वीरगंज । पर्साका ३ वटा साझेदारी वन ब्यवस्थापन समितीहरुका लागी साझेदारी वनमा महिला सहभागीताको अवस्था बारे १ दिने अभिमुखिकरण कार्यक्रम बुधबार वीरगंजमा सम्पन भएको छ । वन तथा बातावरण मन्त्रालयको सहयोगमा र जिल्ला वन कार्यालय पर्साको आयोजनामा जिल्ला वन कार्यालय बिरगंजको सभाहालमा कार्यक्रम भएको थियो ।
सबैया साझेदारी वन ब्यवस्थापन समितीका अध्यक्ष लखनलाल साह कानुको अध्यक्षतामा भएको कार्यक्रममा प्रमुख अतिथी तथा वन तथा वातावरण मंत्रालयकी उप सचिव बिन्दु कुमारी मिश्रले पर्सा जिल्लामा वनमा महिलाको सहभागीता बढाउन कुनै कसर बाकी नराख्न बताइन । महिला सहभागीता बढे आर्थिक उन्नती, बातावरणमा सुधार, समाजिक विकास लगायत अन्य विकासमा सहयोग हुने कुरामा जोड उनले जोड दिइन ।
कार्यक्रममा साझेदारी ब्यवस्थापनका पदाधिकारीहरुले २ महिनामा अधिकृत र डेफो बदल्ने भएका कारण साmभेदारी फस्टाउन नसकेको गुनासो गरेका थिए । साझेदारी क्रियाशिल भए सिमावर्ती गाउका स्थानियवासीहरुलाई सहयोग मिल्ने वक्ताहरुको जोड थियो । कार्यक्रममा नेकपाका किशोरी कुशवाहा, नेपाली कांग्रेसका मनोज यादव, राजपाका कृष्णनन्द पटेल, गादी साझेदारी वन ब्यवस्थापन समितीका संयोजक कृषणमोहन यादव लगायतका नेताहरुको सहभागीता रहेको थियो ।
कार्यक्रममा महिलाहरु के कारणले गर्दा सहभागीता हुन नसकेको र समाधानका उपाय बारे अन्तरक्रिया पनि गरिएको थियो । महिलाहरुको अवसरबाट बंचित गरिएको छ, आर्थिक अभाव, समाजिक भेदभाव, घरपरिवारबाट असहयोग, नितीको कमी लगायतका समस्या आएको थियो । सामाधान गर्न चेतनशिल बनाउनु पर्ने, अवसर दिनु पर्ने, सुरक्षाको अनुभुती गराउनु पर्ने, काममा बराबारको बाडफाड गर्नु पर्नेमा जोड दिइएको गैसस महासंघ नेपाल, पर्साका अध्यक्ष छठु साहले बताए ।
