वीरगंज, २३ फागुन ।
संघिय मामिला तथा सामान्य प्रशासन मन्त्रालयले संघमा समायोजनमा परेका शाखा अधिकृतहरूको पदस्थापन गरेको छ । मन्त्रालयले गरेको पदस्थापनमा पर्साका गाउँपालिकाहरुको प्रमुख प्रशासकिय अधिकृतमा कार्यरत रहेका अधिकांश शाखा अधिकृतहरु सोही ठाउँमा नै परेका छन ।
मन्त्रालयले पर्साको जिराभवानी गाउँपालिकामा अमित कुअमार गिरि, पटेर्वा सुगौली गाउँपालिकामा सरोज कुमार चौधरी, जगरनाथपुर गाउँपालिकामा राज कुशवाहा, कालिकामाई गाउँपालिकामा सन्देश यादव, विन्दवासिनी गाउँपालिकामा सुजित साह, पकहा मैनपुर गाउँपालिकामा सुनिल चौरसिया र ठोरी गाउँपालिकामा नवीन गड्तान लामालाई कार्यरत रहेकै गाउँपालिकामा पदस्थापन गरेको छ ।
यस्तै बाराको प्रसौनी गाउँपालिकमा कार्यरत देवनाथ साहको पर्साको छिपहरमाई गाउँपालिकामा, सर्लाहीको बलरा नगरपालिकामा कार्यरत सुरेश साहको पर्साको धोबनी गाउँपालिकामा र गोरखाको गण्डकी गाउँपालिकामा कार्यरत रहेका देवराज चौलागाईको पर्साको सखुवा प्रसौनी गाउँपालिकामा पदस्थापन भएको छ ।
पदस्थापन भएका प्रमुख प्रशासकिय अधिकृतहरुको सो ठाउँको कार्यकाल २ बर्षको हुने सामान्य प्रशासन मन्त्रालयले आफ्नो वेबसाईट साईटको सुचना मार्फत जनाएको छ ।
