पर्सा, ६ फागुन ।
पर्साको पोखरिया नगरपालिकाको वडा नं। ३, बसन्तपुरमा सोमबार एक कार्यक्रमका विच ४० जना छात्राहरुलाई निःशुल्क साईकल वितरण गरिएको छ । नगर प्रमुख दिपनारायण रौनियारको अध्यक्षतामा र नेपाली कांग्रेसका केन्द्रिय सदस्य रमेश रिजालको प्रमुख आतिथ्यतामा भएको कार्यक्रममा वडा अन्तर्गतका कक्षा ८, ९ र १० मा अध्ययनरत छात्राहरुलाई साईलक वितरण गरिएको हो ।
कार्यक्रमलाई सम्बोद्धन गर्दै केन्द्रिय सदस्य रिजालले देशमा भ्रष्टचार फष्टाउदै गए पनि सरकारलाई कुनै प्रवाह नभएको आरोप लगाए । बुढीगण्डकी, हवाईकाण्ड, सुन काण्ड, निर्मला हत्या काण्डामा सरकारको कुनै चासो रहेको रिजालको भनाई थियो । नेकपा, फोरम र राजपाको सलग्नतामा भ्रष्टाचार फष्टाउदै गएको महंगी बढदै गएको उनको आरोप थियो ।
भष्टाचार मुक्त नगरपालिका बनाए मात्र विकास सम्भव रहेको रिजालको धारणा थियो । महिला आरक्षणको छात्राहरुले फाइदा उठाउदै देशको प्रमुख पदमा पनि महिलाहरुले काब्जा गर्नु पर्ने रिजालको भनाई थियो । छात्राहरुलाई विद्यालय जानआउन सजिलो हुनको लागि नगरपालिकाको सहयोमा साईकल वितरण गरिएको वडाध्यक्ष अजय कुमार कलवारले वताए ।
साईकल वितरण कार्यक्रममा नगर उप प्रमुख सलमा खातुन, नेता जनार्धन सिंह क्षेत्री, बशिष्ठ नारायण कुर्मी, बृहस्पती श्रेष्ठ, प्रमुख प्रशासकिय अधिकृत धर्मराज थापा, पूर्व सांसद रामेश्वर रौनियार, नेपाली कांग्रेस पर्साका कोषाध्यक्ष इमतियाज आलम, क्षेत्रिय सचिव श्रीकान्त यादव, प्रध्यापक ललन द्विवेदी, वडा नं। ४ का अध्यक्ष लक्ष्मण साह कानु लगायतकाले मन्तव्य राखेका थिए ।
