वीरगंज, ३ फागुन ।
वीरगंज भन्सारको मुल गेटमा रहेको सशस्त्र प्रहरी बल नेपाल गुल्मले ९ के.जी. चरेश सहित २ जनालाई पक्राउ गरेको छ । पक्राउ पर्नेमा भारत हरियाणा निवासी बर्ष ३२ की निशा साह र बर्ष ३० की सोनाली साह रहेका छन ।
गुल्मबाट खटिएको डिउटी टोलीले चेकजाँच गर्ने क्रममा शरिरमा सेटिङ्ग गरी लुकाई छिपाई ल्याउदै गरेका निशाको साथबाट ८ प्याकेट ४ के.जी. र सोनालीको साथबाट १० प्याकेट ५ के.जी. चरेश बरामद भएको सशस्त्र प्रहरीले जनाएको छ ।
नेपालबाट भारत तर्फ लागु ओषध चरेश लैजादै गरेको अवस्थामा दुवै जनालाई नियन्त्रणमा लिई आवश्यक कर्वाहीको लागि जिल्ला प्रहरी कार्यालय, पर्सामा पठाईएको सशस्त्र प्रहरी बल गुल्मले जनाएको छ । पक्राउ परेका दुबै जना दिदिबहिनी हुन ।
