वीरगंज, २० माघ ।
ईलाका वन कार्यालय रंगपुर रेन्जपोष्ट, पर्सामा १ हजार क्युफिट काठ कुहिने अवस्थामा पुगेको छ । विभिन्न समयमा पक्राउ गरिएका वा बरामद भएका काठ कुहिने अवस्थामा पुग्दा पनि सम्बन्धीत निकाय मौन रहेको उपभोग्ताहरुले आरोप लगाएका छन । ६ महिना देखी पक्राउ गरिएको काठ र चाटा लगाई राखिएको काठको ब्यवस्थापन नहुदा कुहिने अवस्थामा पुगेको गाद्दीमाई साभेदारी वन उपभोग्ता समितिका सदस्य पुरन यादवले बताए ।
रंगपुर रेन्जपोष्टका कर्मचारीहरु रातभरी जाग्रम वसी पक्राउ गरेको काठ अब नोक्सान हुने अवस्थामा रहेकोले व्यवस्थापन गर्नु पर्ने वन कार्यालयका वनरक्षक दिलबहादुर नेपालीले बताए । २ सय क्युफिट पक्राउ गरिएको काठ र ८ सय फिट चाटा लगाई राखिएको काठ नोक्सान हुन नदिन वनसाझेदारी समिती सित वनका कर्मचारी रामानन्द न्यौपानेले जानकारी गराएका छन ।
न्यौपानेका अनुसार पक्राउ गरिएका काठ, चाटा लगाई राखिएका काठ, सुकेको काठ, लडेको काठलाई उपभोग्ता मार्फत तथा अन्य कुनै उपाय मार्फत व्यवस्थापन गरियो भने चोरी कम हुने, नेपाल सरकारको राजस्वमा बृद्धि हुने, सर्वसाधारण काठ, दाउराको उपभोग्य गर्न पाउने भएकाले अबिलब ब्यवस्थापन गर्नु पर्ने देखिएको छ ।
गाद्दी वन साझेदारी वन ब्यवस्थापन समिती अन्तर्गत भथौडा, बसनपुर, रंगपुर र हरैया रेन्जपोष्टमा लगभग ३ हजार क्युफिट काठ अन्दाजी मूल्य एक करोडको सम्मपति नोक्सान भईरहेको अवस्थामा ब्यवस्थापन गर्न क्रममा आफुहरु रहेको गाद्दीमाई वन साझेदारी समितिका संयोजक कृष्णमोहन यादवले बताए । संयोजक यादवका अनुसार वनलाई जोगाउन र ब्यवस्थापन गर्न काम, कर्तव्य समितिको रहेकोले बिभिन्न उपसमितीहरु बनाई सक्रिय रुपमा काम गर्न शुरु गरिसकेको बताए ।
