वीरगंज, ५ माघ ।
दोस्रो विशाल स्मृति फुटबल प्रतियोगिताको विजेता त्रिभुवन आर्मी क्लब भएको छ । प्रथम बिशाल गोल्ड कपको विजेता आर्मी दोस्रो पटक पनि बिजयी भएको हो । वीरगंजको नारायणी रंगशालामा जारी प्रतियोगिताको शनिबार भएको फाईनल खेलमा हिमालयन शेर्पालाई हराउदै आर्मी विजयी भएको हो ।
खेल सुरु भएको हाप टाइममा हिमालयन शेर्पाले एक गोल गरेको थियो भने त्यस पछि आर्मीले एक गोल गरे पछि खेल बराबरी भएको थियो । खेलको निर्धारित समय सकेपछि दुबै टिमले आयोजक संग समय थप गर्न मांग गरेका थिए । समयको अभावले आयोजकले समय थप नगरी पलान्टीमा खेलको टुङगो लगाउन निर्णयमा पुगेको थियो ।
५/५ वटा पलान्टी हानी खेलको टुङगो लगाउदा दुबै टिमले फेरी ४/४ गोल हाने पछि खेल अति नै रोमांचक भएको थियो । त्यस पछि फेरी थप २/२ वटा पलान्टी हान्दा हिमालयन शेर्पा एक गोल र आर्मीले २ गोल हाने पछि आर्मीलाई विजेता घोषणा गरिएको थियो ।
प्रतियोगिताको विजेता आर्मीलाई टफी सहित पुरस्कार रासी रु ५ लाख ५५ हजार ५ सय ५५ ले पुरस्कृति गरियो । उप विजेता हिमालयन शेर्पालाई पुरस्कार रासी रु २ लाख ७७ हजार ७ सय ७७ रुपैयको पुरस्कार प्रदान गरिएको थियो । प्रतियोगिताको सर्वोत्कृष्ट खेलाडीको रुपमा हिमालयन शेर्पाका बिश्वास श्रेष्ठलाई घोषणा गरिएको थियो भने श्रेष्ठलाई सुजिकीको जिक्सर मोटरसाइकल पुरस्कार स्वरुप प्रदान गरियो ।
फाइनल खेलको मैन अफ द म्याच हिमाल्यन शेर्पाका मान बहादुर तमांगलाई रु ५ हजार पुरस्कार राशी प्रदशन गरियो । प्रतियोगिताको बेस्ट गोल्ड किपर आर्मीका बिकेश कुथु, बेस्ट डिफेन्डर आर्मीका दिपक गुरुङ्ग, बेस्ट मिड फिल्डर आर्मीका संतोष तमाङ, बेस्ट कोच आर्मीका नविन न्योपानेलाई घोषिणा भएका थिए । प्रतियोगिताका बेस्ट खेलाडीहरुलाई पुरस्कार राशी रु १५ हजारका दरले सबैलाई कार्यक्रमका अतिथीहरुले पुरस्कृत गरेका थिए ।
बिशाल मेमोरियल फाउन्डेसनका अध्यक्ष अनिल कुमार कलवारको अध्यक्षतामा र प्रतिनिधि सभा सदस्य प्रदिप यादवको प्रमुख आतिथ्यतामा भएको समापन कार्यक्रममा प्रदेश सांसद अंजु यादव, नेपाली कांग्रेस, पर्साका सचिव श्याम पटेल, क्षेत्रिय सभापति अरविन्द गुप्ता लागायतका अतिथीहरुको हातबाट विजेता खेलाडीहरुलाई मेडल, प्रमाण पत्र र पुरुस्कार प्रदान गरिएको थियो ।
बिशाल मेमोरियल फाउन्डेसनको आयोजनामा भएको प्रतियोगितामा नेपाल र भारतका गरी ८ वटा ए डिभिजन टिमहरु सहभागि भएका थिए ।
