वीरगंज, ४ माघ ।
वीरगंजमा जारी दोस्रो विशाल स्मृति फुटबल प्रतियोगिताको उपाधिका लागि शनिबार विभागिय टोली त्रिभुवन आर्मी क्लब र हिमालयन शेर्पा भिड्ने भएका छन । प्रतियोगिता भइरहेको स्थल नारायणी रंगशालामा शुक्रबार भएको पत्रकार सम्मेलनमा वोल्दै दुबै टिमका कोचहरुले उपाधि हात पार्ने दावी गरे ।
हिमालयन शेर्पाका कोच सुवास लिम्बुले आक्रमक रुपमै प्रस्तुत हुने बताउदै उपाधी आफुहरुले जित्ने दाबी गरे । यस्तै त्रिभुवन आर्मीका कोच हाम्रो उद्देश्य टफी जित्ने थियो र जित्ने पनि दाबी गरे ।
बिहिबा भएको दोस्रो सेमिफाइनल खेलमा आर्मीले झापालाई हराउदै फाइनलमा प्रबेश गरेको थियो भने बुधबार भएको प्रथम सेमिफाइनल खेलमा आयोजक वीरगंजलाई हराउदै हिमालयन शेर्पा फाइनलमा प्रवेश गरेको थियो ।
प्रतियोगिताको विजेता लिमले कप सहित नगद ५ लाख ५५ हजार ५ सय ५५ र उप विजेताले २ लाख ७७ हजार ७ सय ७७ रुपैयाँ पुरस्कार प्राप्त गर्नेछन । सर्वोत्कृष्ट खेलाडीलाई सुजिकीको जिक्सर मोटरसाइकल प्रदान गरिने छ ।
