वीरगंज, २२ पुस ।
वीरगंज १६, भन्सार मुलगेट स्थित रहेको सशस्त्र प्रहरी गुल्मले लागु औष र विभिन्न देशको मुद्रा सहित एक जनालाई पक्राउ गरेको छ । भन्सार मुलगेटमा खटेको डियुटी टोलीले आइतबार विहान ८ : २० बजेको समयमा चेकजांच गर्ने क्रममा काभ्रेको पनौती न.पा. ५ बस्ने बर्ष २४ का राम कृष्ण राउतलाई पक्राउ गरेको हो ।
भारतबाट नेपाल तर्फ आउदै गरेका राउतलाई शरिरमा फिटिङ्ग गरी लुकाई छिपाई ल्याउदै गरेका लागु औषध र बिभिन्न देशको रुपया सहित पक्राउ गरिएको सशस्त्र प्रहरीले जनाएको छ ।
निजको साथबाट लागु औषध नाइट्रोपाइम १० एमजीको ३ सय ५ गोटा, नेपाली रु १ सय १२, मलेसिया रिङ्गगेट १, कतार रियाल १, चाईनिज यान १, आई.फोन १ थान, सामसुङ्ग कि. प्याड मोबाइल १ थान र मोबाइल चार्जर १ थान फेला परेको सशस्त्र प्रहरी गुल्मले जनाएको छ । पक्राउ परेका राउतलाई आवश्यक कर्वाहीको लागि जिल्ला प्रहरी कार्यालय, पर्सामा पठाइएको छ ।
