वीरगंज, २२ पुस ।
सानो पाइलाले शनिबार १२ जना अति बिपन्न विधार्थीहरुलाई शैक्षिक सामाग्री सहयोग गरेको छ । सानो पाइला १२ बर्षमा प्रबेश गरेको अवसरमा एक कार्यक्रमका बिच पोखरिया नगरपालिका र वीरगंज महानगरपालिकाका १२ जना अति विपन्न विद्यार्थीहरुलाई शैक्षिक सामग्री वितरण गरिएको सानो पाइलाका जय साहले वताए ।
सानो पाइलाकी सचिव शुस्मा तिवारीको अध्यक्षतामा वीरगंजको छपकैया स्थित रहेको सानो पाइलाको प्रधान कार्यालयमा भएको कार्यक्रममा विद्यार्थीहरुको अभिभावकहरुलाई सामग्री हस्तान्तरण गरिएको साहले जानकारी गराए । सानो पाइलाले पोखरिया नगरपालिकाको जगतपुर, श्रीशियाका ४ जना, वीरगंज महानगरपालिकाको लालपर्साका ३ जना र श्रीपुरका ५ जना गरी १२ जनालाई शैक्षिक समाग्री वितरण गरेको हो ।
विधार्थीहरुलाई -वितरण गरिएको सामग्रीमा कॉपी, कालम , पेंसिल, ईरेजर, ब्याग , जूता, मोजा, स्वीटर, टोपी , लगायतका समाग्री रहेको थियो । सामग्री वितरण कार्यक्रममा वोल्दै सानो पाइलाका रणनीति र विकास प्रमुख विक्रम उपाध्यायले “हामीलाई १५ दिन जति अति बिपन्न विधार्थीहरु छनोट गर्न लाग्यो र “शैक्षिक समाग्री बिना विधालय पढ्नमा कठिनाई पुगिरहेका विधार्थीहरुलाई मात्र हामीले सहयोग गरेको वताए ।
सानो पाइला शिक्षा क्षेत्रमा धेरै पहिला देखि नै काम गर्दै आइरहेको छ । “Literacy For Nepal” नामक परियोजना अनतर्गत हरेक वर्ष बिपन्न विधार्थीहरुलाई शैक्षिक समाग्री र छात्रवृति प्रदान गर्दै आइरहेको छ ।
