वीरगंज, ५ पुस ।
पर्साका निजामती कर्मचारीहरु समायोजन अध्यादेश २०७५ सच्याउन ४८ घण्टे अल्टीमेटम दिएका छन । कर्मचारीहरु पर्साका प्रमुख जिल्ला अधिकारी नारायण भट्टाराई मार्फत प्रधानमन्त्री तथा मन्त्रिपरिषद्को कार्यालय र संघियमामीला तथा सामान्य प्रशासन मन्त्रालयलाई बिहीवार ज्ञापन पत्र बुझाउदै कर्मचारी समायोजन अध्यादेश ४८ घण्टा भित्र सच्याउन मांग गरेका हुन ।
४८ घण्टा भित्र सच्याउन काम नगरेमा पर्साका सम्पूर्ण कर्मचारीहरु आन्दोलित हुन बाध्य हुने र सोको जिम्मेवारी सरकार स्वयम हुने नेपाल निजामती कर्मचारी संगठन पर्साका अध्यक्ष अमित कुमार गिरीले वताए । २०७५ मंसिर २३ गते जारी गरिएको कर्मचारी समायोजन अध्यादेश २०७५ ले गरेका व्यवस्थाहरु नेपालको संविधानको मर्म र भावन एंवम निजामती सेवा ऐन २०४९ को दफा ५८ को सेवा शर्त र सुरक्षा सम्बन्धित व्यवस्थाको प्रतिकुल एंवम प्राकृतिक न्यायको सिधान्तको समेत विपरित भएकोले सच्याउनु पर्ने अध्यक्ष गिरीले मांग गरे ।
समग्र मुलुकको भाग्य र भविस्य निर्माण संगै राजनीतीक संगै काँधमा काँध मिलाएर हिडनु पर्ने हामी कर्मचारीहरुलाई अन्याय पर्ने गरी तय गरिएका व्यवस्थाहरुमा हाम्रो गम्भीर असहमती रहेको हुदा उक्त ब्यवस्थाहरु अविलम्ब सच्याउनु पर्ने अर्का कर्मचारी सरोज चौधरीले वताए ।
सेवा सर्त परिवर्तन गरि प्रदेश र स्थानिय तहमा समायोजन भएका कर्मचारीहरु संघमा निश्चित मापदण्डका अधकारमा सरुवा तथा बढुवा हुन् नपाउने ब्यवस्था रहेकोले सो ब्यवस्था संसोधन गर्नु पर्ने, निजामती कर्मचारी समायोजन स्वेक्छिक बनाइयोस समायोजनमा जान नचाहने कर्मचारीलाई संघमा पुल दरबन्दी कायम गरि निश्चित मापदण्डका अधारमा प्रदेश स्थानिय तहमा कामकाज गर्न खटाउने ब्यवस्था हुनु पर्ने, समायोजन अध्यादेशमा अन्तर सेवा प्रतिस्पर्धा भनि समावेस गरिएको ब्यवस्था नै स्पष्ट नदेखिएकोले सोको सट्टामा अन्तर सरकारी सेवा प्रतिस्पर्धा स्पष्ट खुलाई प्रदेश र स्थानीय तहमा समायोजन भएका कर्मचारीहरुलाई संघको आन्तरिक प्रतिस्पर्धात्मक परीक्षा प्रणालीमा आउन सक्ने समान ब्यवस्था लागु गर्नु पर्ने, संघिय निजामती सेवा ऐन, प्रदेश निजामती सेवा ऐन, स्थानीय सरकारी सेवा ऐन जारी गरेर मात्र समायोजन अगाडी बढाउनु पर्ने लगायतको ६ बुंदे माग सहित कर्मचारीहरु ज्ञापन पत्र बुझाएका हुन ।
सातारुढ दल नेकपा निकट नेपाल निजामती कर्मचारी संगठन, पर्साको अगुवामाई कर्मचारीहरु ज्ञापन पत्र बुझाएका छन । जिल्ला प्रशासन कार्यालय, पर्सामा ज्ञापन पत्र बुझाउन अधिकारीक कर्मचारी ट्रेड युनियन, पर्साका अध्यक्ष सुबदार यादव, कर्मचारी संगठन पर्साका सचिव सुमन यादव, जगरनाथपुर गाउँपालिकाका प्रमुख प्रशासकिय अधिकृत राज कुशवाहा, कालिकामाई गाउँपालिकाका प्रमुख प्रशासकिय अधिकृत सन्देश यादव, विन्दवासिनी गाउँपालिकाका प्रमुख प्रशासकिय अधिकृत सुजित साह, वीरगंज महानगरपालिकाका शाखा अधिकृत बविता जैसवाल, रिमा साह लगायतका कर्मचारीहरुको उपस्थित रहेको थियो । ज्ञापन पत्र बुझदै प्रमुख जिल्ला अधिकारी भट्टाराईले कर्मचारीहरुको मांग जायज रहेको र सम्बन्धीत ठाउँमा ज्ञापन पत्र आजै पठाउने वताए ।