पर्सा, २ पुस ।
न्यायिक समितिको क्षमता अभिवृद्धि सम्बन्धी एक दिने तालिम सोमबार वीरगंजमा सम्पन्न भएको छ । एन पेस नेटर्वकको सहयोगमा समाज विकास समन्वय समिति, पर्साले होटल कुमु प्यालेस वीरगंजमा आयोजना गरेको तालिम सम्पन्न भएको हो ।
- Advertisement -
तालिममा पर्सागढी नगरपालिका, जिराभवानी गाउँपालिका र सखुवा प्रसौनी गाउँपालिकाका न्यायिक समितिका सदस्यहरुको सहभागिता रहेको थियो । आयोजक संस्थाका अध्यक्ष राजेन्द्र जौधरीको अध्यक्षतामा भएको तालिममा अधिवक्ता हरेराम सरार्फले प्रशिक्षण दिएका थिए ।
महिलाहरुलाई बढी भन्दा बढी शान्तिको टेबलमा ल्याएर महिला हिंसा न्युनिकरण गर्ने उद्देश्यले तालिम आयोजना गरिएको आयोजक संस्थाका सचिव जयनारायण चौधरीले वताए ।