वीरगंज, २८ मंसिर ।
राष्ट्रिय कृषक समुह महासंघ नेपाल, पर्साको जिल्ला अधिबेशन शुक्रबार सम्पन्न भएको छ । कृषि ज्ञान केन्द्र वीरगंजमा भएको अधिबेशनमा अमोद कुमार केंवटको अध्यक्षतामा १५ सदस्यि जिल्ला समिति निर्वाचित भएको निर्वाचन अधिकृत नरेश जयसवालले वताए ।
जुन समितिको उपाध्यक्ष नगिया खातुन, सचिव अरविन्द साह, सह सचिव जगदिश यादव, कोषाध्यक्ष रम्भा देवी यादव निर्वाचित भएको निर्वाचन अधिकृत जयसवालले जानकारी दिए । यस्तै सदस्यहरुमा संदिप चौधरी, संतोष पाण्डे, प्रमोद उपाध्याय, शम्भु पंडित, बबिता देवी, प्रतिमा पंजियार लगायतका निर्वाचित भएको अधिकृत जयसवालले जानकारी गराए ।
निर्वाचित पदाधिकारीहरुको सपथ ग्रहण आजै एक कार्यक्रमका बिच निर्वाचन अधिकृत जयसवालले गराएका छन । यस अघि अधिबेशनको उदघाटन कृषि ज्ञान केन्द्र पर्साका प्रमुख रामचन्द्र प्रसाद यादवले गरेका थिए ।
