वीरगंज, २७ मंसिर ।
सशस्त्र प्रहरी बल नेपाल गुल्म राजश्व तथा भन्सार गस्ति सुरक्षा पर्सा नं. १४ बाट खटेको प्रहरी टोलीले बुधबार ई–रिक्सा सहित मरिच पक्राउ गरेको छ । वीरगंज १६, भन्सार मुलगेट इलाकामा खटेको चेकप्वाइन्ट डिउटी टोलीले चेकजाँच गर्ने क्रममा ना २ ह ३५१६ नम्बरको ई–रिक्सामा लोड गरी नेपालबाट भारत तर्फ लुकाईछिपाई लैजादै गरेको अवस्थामा ७० किलो मरिच बरामद गरेको हो ।
सो ई–रिक्साका चालक प्रहरीलाई देख्ने बित्तिकै ई–रिक्सा छोडी भाग्न सफल भएका थिए । पक्राउ परेको ७० किलो मरिचको मुल्य २४ हजार रहेको सशस्त्र प्रहरीले जनाएको छ । पक्राउ परेको ई–रिक्सा सहितको मरिचलाई आवश्यक कारवाहीको लागि वीरगंज भन्सार कार्यालयमा बुझाइएको प्रहरीले जनाएको छ ।
