वीरगंज, २३ मंसिर ।
सानो पाइलाले आइतबार एक कार्यक्रमका बिच आफ्नो १२ औं बार्षिकोत्सव मनाएको छ । वार्षिकोत्सवको अवसरमा वीरगंजको ब्रमह चौकमा रहेका पुनस्र्थापन केन्द्रमा आयोजित कार्यक्रममा सानो पाइलाको प्रभाव बारे तयार पारिएको प्रतिवेदन विमोचन समेत गरिएको छ ।
सानो पाइलाकी सचिव डा. सुस्मा तिवारीको अध्यक्षतामा भएको कार्यक्रममा कार्यक्रमका अतिथीहरुले संयुक्त रुपमा प्रतिवेदनको विमोचन गरेका थिए । कार्यक्रममा वोल्दै सानो पाइलाका संस्थापक कंचन झाले लागु औषध, ड्रक्स जस्ता कुलतमा फसेका १३ सय युवाहरुको संस्थाले पुनस्र्थापन गरेको वताए ।
उनले सरकार र जनता विचको दुरी भएको अवस्थामा सानो पाइलाले काम गरेको वताए । सरकार र जनता विचको दुरी खत्म भएर गए गैर सरकारी संस्थाहरुको काम पनि सकेर जाने झाको भनाई थियो । वीरगंज महानगरपालिकाका मेयर विजय सरावगीले जनप्रतिनिधि विहिन रहेको अवस्थामा गैर सरकारी संस्थाको ठुलो भुमिका रहेको वताए ।
महानगरपालिका कार्यालयको एउटा अंगको रुपमा नै क्रियाशिल गैर सरकारी संस्थाहरु रहेको सरावगीले वताए । वीरगंज महानगरपालिकालाई आफ्नै कार्यकालमा बाल मैत्री घोषणा गर्न चाहना रहेको मेयर सरावगीको भनाई थियो । पर्साका प्रहरी उपरिक्षक रेवती ढकालले अरु संग केही माग्नु भन्दा सबैले केही ना केही गरे धेरै काम गर्न सकिने वताए ।
अरु संग केही माग्नु भन्दा पहिला आफ्नो कर्तव्य बुझनु पर्ने ढकालको भनाई थियो । पोखरिया नगरपालिकाकी उप मेयर सलमा खातुनले केही गर्नको लागि पहिला सपना देख्न जरुरी रहेको वताइन । सानो पाइला जस्तै काम गर्न चाहे सानो प्रयासले ठुलो काम गर्न सकिने खातुनको भनाई थियो ।
सानो पाइलाका संस्थापक दिपक बहादुर श्रेष्ठले चिया पसलबाट सुरु भएको संस्था यहां सम्म पुगेको वताए । कार्यक्रममा सानो पाइला बारे बिक्रम उपाध्यले जानकारी गराएका थिए भने कार्यक्रमको संचालन जय साहले गरेका थिए ।
