काठमाण्डौ, २३ मंसिर ।
सुख सन्देश काठमाण्डौको आयोजनामा चेपाङहरुलाई सहयोग गर्ने उद्देश्यले शनिबार काठमाण्डौमा मनोरञ्जनात्मक कार्यक्रम सम्पन्न भएको छ । गलेसियर इन्टरनेशनल क्लेज, रक टनेल रेस्टुरेन्ट एन्ड लंज र न्यू जेनिथ उ. मा. वि.को सहयोगमा भएको कार्यक्रममा विभिन्न कलाकारहरुले आ-आफ्नो प्रतिभा प्रस्तुत गरेका थिए ।
कार्यक्रममा स्टेन्ड अप कमेडी, कविता वाचन र गित प्रस्तुत गरिएको प्रभाकर साहले बताए । कार्यक्रमको सहयोगी संस्थाहरुलाई आयोजक संस्थाकी अध्यक्ष सरिना सानु महर्जनले मायाको चिनो दिएर सम्मान गरेकी थिइन् ।
कार्यक्रममा आशिष गैरे, मलिका खतिवडा, मोहित जोशी, विष्णु पौडेल, सौगात खड्की, जोस्ना नेम्बाङ, जेशन योन्जन र अमन जोशी लगायतका कलाकारहरुले प्रस्तुति दिएका थिए ।
कार्यक्रमबाट उठेको रकम चेपाङ समुदायको स्वास्थ्य र अन्य सुधारको लागि प्रयोग गरिने आयोजक संस्था सुख सन्देशकी अध्यक्ष महर्जनले जानकारी गराइन् ।
