वीरगंज, ११ मंसिर ।
सशस्त्र प्रहरी वीरगंज भन्सार गुल्मले अबैध चान्दी सहित एक भारतियलाई पक्राउ गरेको छ । पक्राउ पर्नेमा भारत बिहार जिल्ला मोतिहारी थाना रक्सौल घर भएका फरिसा कलवार रहेका छन ।
मंगलबार दिउसो नेपालबाट भारत तर्फ अबैध रुपमा कम्मरमा बान्धी लग्दै गरेको अवस्थामा कलवारलाई पक्राउ गरिएको सशस्त्र प्रहरी नायब उपरीक्षक तिलक खडकाले बताए । वीरगंज १६, भंसार मुल गेटबाट चेक प्वाइन्ट डिउटी टोलिले कलवारलाई ४.२६० के.जि. चान्दी सहित पक्राउ गरेको खड्काले जानकारी गराए ।
पक्राउ परेको चान्दी सुन चान्दी ब्यवसायी संघ वीरगंजमा परिक्षण गराउदा शुद्ध चान्दी २.२६० के.जि. रहेको र त्यसको मुल्य रु एक लाख ४० हजार ५ सय ७२ पर्ने गुल्मले जनाएको छ ।
