पर्सा, २० असोज ।
पर्साको ग्रामिण भेगका नहरहरुमा पानी नआउदा कृषकहरु मर्कामा परेका छन । बिगत केही दिन देखी पानी नपरेकोले खेतमा पानी सुके पछि कृषकहरु चिन्तामा परेका हुन ।
धान फल्ने समयमा नै खेतमा पानी नरहेको र नहरमा पनि पानी नआउदा कृषकहरु चिन्तामा परेका छन । नारायणी सिचाई डिभिजन कार्यालय डिभिजन नम्बर ५ द्धारा बितरित पानी ब्लाकनम्बर २ को एमएससीहरु र बिएससीहरुमा पानी नआउदा कृषकहरु बाध्य भएर दमकल प्रयोग गर्न थालेका छन ।
खेतमा पानी हाल्न कृषकहरु खोला, नदी, पोखरी, तलाउमा बिभिन्न माध्यमबाट सिचाई गर्न बाध्य रहेको जगरनाथपुर गाउालिकाका कृषक मुनेश्वर यादवले बताएका छन ।
यस बर्ष धानका लागी प्रयाप्त मात्रामा पानी पर्दै आएको तर धान फल्ने समयमा नै पानी नपरेको र नहरमा पनि धान फल्ने समयमा नै पानी नआउदा धानवालीमा कमी आउने कृषकहरु बताएका छन ।
यस बिषयमा गाउँपालिकाका जनप्रतिनिधीहरु चनाखो नभएका कारण कृषकहरुलाई समस्या भोग्नु परेको कृषकहरुले गुनासो गरेका छन ।
