Date
सोम, कार्तिक ३०, २०८३
Mon, November 16, 2026
Home Blog Page 433

बचत गर्ने बानीको विकास गर्नुपर्छ : नेता पटेल

0

वीरगंज । बचत गर्ने बानीको विकास गर्नुपर्ने एमालेका नेता शिव पटेलले वताएका छन् । खर्च गर्ने प्रवृती बढ्दै गएकोमा चिन्ता व्यक्त गर्दै नेकपा एमालेका केन्द्रीय सल्लाहकार समिति सदस्य पटेलले बचत गर्ने बानी बसाल्न सबैलाई आग्रह गरेका हुन् । 

पर्साको बहुदरमाई नगरपालिका वडा नम्बर ३ नगरदाहास्थित साधना लघुबित्त वित्तिय संस्थाले ‘ग्लोबल मनी विक’ को अवसरमा आयोजना गरेको जनप्रतिनीधिलक्षित वित्तिय साक्षरता कार्यक्रमलाई सम्बोधन गर्दै उनले ऋणलाई सही ठाउँमा लगानी गर्न सुझाव दिए । 

ग्रामिण क्षेत्रका बासिन्दालाई बिना धितो समुह तथा गोलियाको अधारमा ऋण निकाल्न पाउने व्यवस्था गर्नुपर्ने र त्यसको लगानीको सुनिश्चितता गर्नेतर्फ स्थानीय सरकारको ध्यानाकर्षण गराए । 

महिला जनप्रतिनिधि सरस्वती देविको अध्यक्षतामा आयोजित साक्षरता कार्यक्रममा साधना लघुबित्त वित्तीय संस्थाका सिताराम पण्डीत, बिशाल कुमार यादव, स्थानिय बिजय कुमार, बिन्देबासिनि मन्दिरका पुजारी पुरुषोत्तम उपाध्याय लगयतले धारणा राखेका थिए ।

भन्सार नीतिले तस्करलाई बढावा दिइरहेको छ, संशोधन जरुरी छ : प्रदिप यादव

0

वीरगंज । जनता समाजवादी पार्टी (जसपा) प्रमुख सचेतक प्रदिप यादवले भन्सार नीतिमा व्यापक संशोधनको आवश्यकता रहेको बताएका छन् ।

प्रतिनिधि सभामा अर्थमन्त्री वर्षमान पुनले प्रस्तुत गरेको भन्सार विधेयक २०८० माथि विचार गरियोस् भन्ने प्रस्तावमाथिको छलफलमा भाग लिँदै सांसद यादवले हुकुमी शैलीमा चलिरहेको भन्सारलाई समय सापेक्ष र आवश्यकताअनुसार नीतिगत रुपमा व्यवस्थित गर्नुपर्ने बताए ।

यादवले अवैध कारोबारलाई प्रोत्साहित गरिरहेको पेनाल्टी प्रावधान हटाउन पनि माग गरे । उनले भने “आयातकर्ताले भन्सार मूल्यको पुस्तिका भन्दा कम मूल्यको बिलबिजक पेश गरेमा भन्सारले ५० प्रतिशत पेनाल्टी तोक्छ । आव २०८०/०८१ को बजेटमा अन्त शुल्कमा समेत पेनाल्टी लिने प्रावधान राखिएको छ । पेनाल्टी जोगाउन आयातकर्ताले भन्सार किताबभन्दा बढीको बिलबिजक पेस गर्छन् र सोहीअनुसार एलसी पनि खुल्छ । जसले गर्दा नेपाली भन्सारमा पेनाल्टी लाग्दैन ।”

“अर्कोतिर बिलबिजकको वास्तविक मूल्यभन्दा बढी पठाएको रकम अवैध हुण्डीको माध्यमबाट नेपाल फर्किन्छ । तसर्थ भन्सार मूल्यांकन किताब तथा अन्तशुल्कमा लगाएको पेनाल्टी गर्दा अवैध कारोबारलाई प्रोत्साहित गरिएको देखिन्छ । यसकारण पेनाल्टी लिने प्रावधान हटाउन जरुरी छ ।” उनले भने ।

सांसद यादवले स्वदेशी उद्योग प्रवर्द्धनमा पनि वर्तमान कानुन बाधक रहेको बताए । ‘स्वदेशी उद्योगको प्रोत्साहन गर्नुछ भने पहिलो त डिप्टीमा फरक राख्नुपर्छ । हाम्रो भन्सारमा कच्चा पदार्थको डिप्टी महंगो छ, तयारी पदार्थमा सस्तो छ । यसको कारण स्वदेशी उद्योग पनि डुबिरहेको छ,’ उनले भने, ‘उदाहरणको रुपमा काँचो दाल (गोरो/मसुरो)मा १० प्रतिशत भन्सार लाग्छ । तर, तयारी दालको रुपमा आउँछ भने ९ प्रतिशत भन्सार लाग्छ । अनि स्वदेशी उद्योग कसरी बढावा भयो ? कच्चा पदार्थ आउँदा १० प्रतिशत कर लाग्ने, तयारी सामान आउँदा ९ प्रतिशत लाग्ने हुँदा स्वदेशी उद्योग त डुब्छ ।’

भारतबाट नेपालमा धान आउँदा भारतलाई २० प्रतिशत कर तिर्नुपर्ने र ५ प्रतिशत नेपाली भन्सारमा कर लाग्ने भन्दै यादवले २५ प्रतिशत तिरेर नेपालमा धान आयात गरेर उद्योगीले चामल उत्पादन गरेर विक्री गर्दा महंगो हुने गरेको बताए । ‘यसकारण अहिले तस्करलाई मजा भएको छ । भारतमा प्रत्येक केजी चामलमा ५ रुपैयाँ सस्तो छ । भारतमा सस्तो भएकाले सिधा बोर्डरबाट खुलेयाम तस्करी गरेर नेपाल ल्याइँदैछ,’ उनले भने ।

सांसद यादवले सानो सानो वस्तुमा तस्करीकै माध्यमबाट भित्रिँदा अपेक्षित राजस्व संकलन हुन नसकेको बताए । ‘जस्तै काजुको कुरा गर्ने हो भने नेपाली भन्सारमा प्रति केजी ६ सय रुपैयाँ भन्सार लाग्छ । त्यही काजु प्रत्येक केजी सय रुपैयाँमा तस्करहरु काठमाडौं पुर्याइरहेको छ । मलाई जहाँसम्म याद छ, माननीय अर्थमन्त्रीज्यू जुन काजु खानुहुन्छ, त्यो तस्करले काठमाडौं पुर्याएको काजु नै खानुहुन्छ । हामी पनि काठमाडौं बसेर खान्छौं । किनकि काजुको भन्सार भइरहेको छैन । अर्थमन्त्रीजीले कर्मचारीबाट तथ्यांक लिए हुन्छ । जुन पनि काजु आइरहेको छ, त्यो सबै तस्करी भएर आइरहेको छ । भुजिया, काजुलगायत सानो सानो सबै तस्करीमा आइरहेको छ,’ उनले भने ।

सांसद यादवले तस्करी नियन्त्रण हुनेगरी भन्सार नीतिमा संशोधन गर्न अर्थमन्त्रीलाई सुझाव दिए । ‘भारतमा ४ देखि २८ प्रतिशतसम्म रहेको जिएसटीलाई आधार मानेर कर निर्धारण गरौं । भारतमा ४ प्रतिशत कर छ, तपाई १३ प्रतिशत लिनुहुन्छ भने निश्चित रुपमा तस्करी हुन्छ । यस्तो नीतिले तस्करलाई बढावा दिइरहेको छ । यसमा अर्थमन्त्रीले गम्भीर रुपमा विचार गरेर संशोधन गर्नुपर्छ,’ उनले भने ।

वीरगंज महानगरले कक्षा ८ को परीक्षा एकिकृत परीक्षा प्रणाली मार्फत लिदै

0

वीरगंज । वीरगंज महानगरपालिकाले यस वर्षबाट एकिकृत परीक्षा प्रणालीमार्फत आधारभूत तह कक्षा ८ को अन्तिम परीक्षा लिने भएको छ ।

चैत १५ गतेदेखि सुरु हुने कक्षा ८ को महानगरस्तरीय परिक्षाका लागि महानगरको परीक्षा समितिले ११ वटा परीक्षा केन्द्र तोकेको छ । जसमा ६ वटा सामुदायिक विद्यालय र ५ वटा संस्थागत विद्यालयमा परीक्षा केन्द्र निर्धारण गरिएको महानगरका शिक्षा महाशाखा प्रमुख अरविन्दलाल कर्णले जानकारी दिए ।

सामुदायिक विद्यालयतर्फ त्रिजुद्ध मा.वि., नृसिंह मा.वि., श्रीपुर मा.वि., शारदा मा.वि.बहुअरी, माइस्थान विद्यापिठ मावि र ने.रा.मा.वि सोलकपुरमा परिक्षा केन्द्र निर्धारण गरिएको छ भने संस्थागत विद्यालय तर्फ सनलाईट मावि, मिनिल्याण्ड मावि, कादम्बरी एकेडेमी, जी.एच.पी. मावि र ओम नेशनल स्कूललाई परिक्षा केन्द्र निर्धारण गरिएको कर्णले जानकारी दिए।

यस वर्ष कक्षा ८ को महानगरस्तरीय बार्षिक परिक्षामा ३६ वटा सामुदायिक विद्यालयका ३ हजार १४१ जना र ८२ वटा संस्थागत विद्यालयका २ हजार ५२१ जना गरी कूल ५ हजार ६५७ जना विद्यार्थीले सहभागिता जनाउने कर्णले बताए ।

चैत १५ देखि २२ गतेसम्म सञ्चालन हुने परीक्षालाई निष्पक्ष, शान्तिपूर्ण रुपमा सम्पन्न गराउन मंगलबार महानगरको परीक्षा समितिले ११ वटै केन्द्रमा केन्द्राध्यक्ष नियुक्त गर्नुका साथै उनीहरुका काम कर्तव्यका बारेमा जानकारी गराएको छ । परिक्षा सकिएपछि परिक्षा केन्द्रमै उत्तरपुस्तिका जाँच गरि नीतजा तयार पारि चैत २८ गते सार्वजनिक गरिने कर्णले जानकारी दिए ।

आधारभूत तहबाटै अध्ययन अध्यापनलाई प्रभावकारी बनाउन र शैक्षिक गुणस्तर उकास्ने उदेश्यले महानगरमा पहिलो पटक एकिकृत परीक्षा प्रणालीबाट आधारभूत तहको बार्षिक परिक्षा लिन लागेको महानगरका शिक्षा महाशाखा प्रमुख कर्णले बताए ।

 

उनले भने, विगतमा जुन विद्यालयमा अध्ययन गरेको हो सोही विद्यालयले नै परीक्षा लिएर उत्तरपुस्तिका पनि सम्बन्धित विद्यालयले जाँच गर्ने गर्थ्यो, त्यसमा केहि विद्यालय र शिक्षकहरुबाटै चलखेल हुन्थ्यो । ती सबै विकृति अन्त्य गर्न यसपालिदेखि महानगरले एकिकृत माध्यमबाट परीक्षा लिन लागेको हो ।

कर्णका अनुसार, एकिकृत परीक्षा प्रणाली सुरुभएसँगै अब भने अध्ययन अध्यापन सम्बन्धित विद्यालयले गर्ने र त्यसको मूल्यांकन तेस्रो पक्षबाट हुने छ । विद्यार्थीको सिकाई मापन तेस्रो पक्षबाट हुँदा निष्पक्ष र यथार्थपरक हुने भएकाले महानगरले यस वर्षबाट एकिकृत परीक्षा प्रणाली सुरु गरेको महाशाखा प्रमुख कर्णले बताए ।

मंगलबार नवनियुक्त केन्द्राध्यक्षहरुलाई महानगरकान मेयर राजेशमान सिंहले नियुक्तीपत्र प्रदान गर्दै आधारभूत तहको अन्तिम परीक्षा निष्पक्ष र शान्तिपूर्ण रुपमा सम्पन्न गराउन निर्देशन दिए ।

वीरगंजबाट लागु औषध खैरो हिरोइनसहित ४ जना पक्राउ

0

वीरगंज । प्रहरीले वीरगंजबाट लागु औषध खैराे हिराेइनसहित ४ जनालाई पक्राउ गरेकाे छ ।

जिल्ला प्रहरी कार्यालयबाट खटिएकाे चेकिङ टाेलीले रौतहटकाे चन्द्रनगर नगरपालिका वडा नं.५ निवासी २४ बर्षिय सेजल श्रेष्ठ र पर्साकाे जिराभवानी गाउँपालिका वडा नं.२ निवासी १९ बर्षिय बिजय साहलाई पक्राउ गरेकाे हाे ।  

वीरगंज महानगरपालिकाकाे वडा नं.१५ स्थित चालीस फिट्टे सडकखण्डमा मिति साेमबार सांझ ६:०० बजेको समयमा खटिएको चेकिङ टोलीले बा.९५ प २३०३ नम्बरको स्कुटीमा सवार दुबै जनालाई पक्राउ गरेकाे जिल्ला प्रहरी कार्यालय पर्साले जनाएकाे छ ।

संकाष्पदरूपमा हिडिरहेकोमा उक्त स्कुटी रोकी खानतलासी गर्दा सेजलले लगाएको पाइन्टमा लुकाई छिपाई राखिएको लागु औषध खैरो हिरोइन जस्तो देखिने पदार्थ प्लाष्टिक वाहेक १ ग्राम फेला परेको जिल्ला प्रहरी कार्यालय पर्साका प्रवक्ता कुमार बिक्रम थापाले जानकारी दिए ।

त्यसपछि दुबै जनालाई उल्लेखित लागु औषध र स्कुटीसहित नियन्त्रणमा लिई जिल्ला प्रहरी कार्यालयमा ल्याइ निजहरू विरुद्द लागु औषध सम्बन्धी कसूरमा थप अनुसन्धान कार्य भैरहेको प्रवक्ता थापाले वताए ।

यसैगरी प्रहरीले लागु औषधसहित नै वीरगंज महानगरपालिकाकाे वडा नं.१६ रजतजयन्ती चोकस्थित सडकखण्डबाट थप दुई जनालाई पक्राउ गरेकाे छ । 

प्रहरी चौकी ईनर्वाबाट खटिएको चेकिङ टोलीले चितवनकाे भरतपुर महानगरपालिका वडा नं.१७ शारदानगर निवासी २४ बर्षिय अमित गुरुङ र साेही ठाउँ निवासी २४ बर्षिय सुनिता वि.क.लाई पक्राउ गरेकाे हाे ।

भारतबाट नेपालतर्फ आवत जावत गर्ने सवारी साधन तथा यात्रीहरूलाई चेकजाँच गर्ने क्रममा संकाष्पदरूपमा भारतबाट नेपालतर्फ आउँदै गरेका निजहरुकाे साथबाट खैरो हिरोइन जस्तो देखिने पदार्थ प्लाष्टिक वाहेक १ ग्राम फेला परेको प्रहरीले जनाएकाे छ ।

त्यसपछि दुबै जनालाई उल्लेखित लागु औषध सहित नियन्त्रणमा लिई जिल्ला प्रहरी कार्यालयमा ल्याइ निजहरू विरुद्द लागु औषध सम्बन्धी कसूरमा थप अनुसन्धान कार्य भैरहेको प्रवक्ता थापाले जानकारी दिए ।

तेस्रो परवानीपुर गोल्डकप : वीरगंज युनाइटेड क्लब सेमिफाइनलमा

0

साउथजोन स्कुलद्वारा अभिभावकहरुलाई अभिमुखिकरण

0

वीरगंज । साउथजोन माद्यमिक विद्यालयकाे आयाेजनामा साेमबार अभिभावक अभिमुखिकरण कार्यक्रम सम्पन्न भएकाे छ ।

वीरगंजस्थित क्लासिक ब्यांकेटमा भएकाे कार्यक्रममा डाक्टर तारा प्रसाद गिरिले विद्यालयका कक्षा १ देखि कक्षा ५ सम्मका करिब चार सय अभिभावकहरुलाई अभिमुखिकरण दिएका थिए । डाक्टर गिरिले अभिभावहरुले आफ्नो नानीहरू राम्रो होस् भनेर राम्रो विद्यालयका अध्यापन गराउनेकाे साथ साथै ध्यान दिन पनि जरुरी रहेको बताए ।

त्यसैगरी साउथजाेन माद्यमिक विद्यालय कै आयाेजनामा आत्मविश्वास वृद्धि शिखर सम्मेलन सम्पन्न भएकाे छ । साे कार्यक्रममा कक्षा १० मा अध्यापन गरिरहेका अर्थात यो वर्ष एसइइ परिक्षा दिन लागेका १०९ जना विद्यार्थीहरुलाई आगामी आफ्नो लक्ष्य र उदेश्य कसरी प्राप्ति हुन सक्छ भन्ने बारे जानकारी गराएकाे थियाे ।

कार्यक्रममा विद्यार्थीहरुले राम्रो अंक ल्याउन नसक्ने वा ल्याउन समस्या हुने वा पुरा गर्न सक्दिन भन्ने जस्ता बिषयमा जिज्ञासा राखेका थिए । साेही कार्यक्रममा कक्षा ९ का विद्यार्थीहरुले कक्षा १० का विद्यार्थीहरुलाई बिदाई समेत गरेका थिए ।

विद्यालयका प्रधानाध्यापक सरोज प्रसाद चौधरीकाे अध्यक्षतामा भएकाे कार्यक्रममा वीरगंज महानगरपालिकाका शिक्षा शाखा प्रमुख अरविन्दलाल कर्ण, मानव सेवा आश्रमका दिवेश गुप्ता, वीरगंज युवा समाजका कमल चाैलागाई, प्रेस सेन्टर नेपालका जगत राई, प्रण्य साह, समाजवादी प्रेस संगठनका दिपु बर्णवाल लगायतकाे उपस्थिती रहेकाे थियाे भने कार्यक्रमकाे संचालन विद्यालयका सहायक प्रधानाध्यापक अशोक संग्रोलाले गरेका थिए ।

कार्यसम्पादन मुल्यांकनमा परवानीपुर गाउँपालिका मधेस प्रदेशकै उत्कृष्ट

0

वीरगंज । बाराको परवानीपुर गाउँपालिका कार्यसम्पादन मुल्यांकनको अधारमा प्रदेश मै उत्कृष्ट पालिका भएको छ ।

प्रदेश नम्बर २ को ५९ गाउँपालिका, ७३ नगरपालिका, ३ उपमहानगरपालिका र एक महानगरपालिका गरी १ सय ३६ वटा पालिका रहेकाे छ । जस मध्ये परवानीपुर गाउँपालिका राष्ट्रिय प्राकृतिक स्रोत तथा वित्त आयोगको कार्यसम्पादन मुल्यांकन अनुसार कुल ६६.४७ अंक ल्याएर मधेश प्रदश मै उत्कृष्ट पालिका भएको हो । 

स्थानीय तह स्रोत परिचालन र राष्ट्रिय प्राकृतिक स्रोत तथा वित्त आयोगले निर्धारण गरेको मुल्यांकन अनुसार स्तरीय कार्यगरी नतिजा दिन सकेकाले प्रदेशमा उत्कृष्ट भएको परवानीपुर गाउँपालिकाका अध्यक्ष रामक्षत्री प्रसाद कुर्मीले बताए । उनका अनुसार आयोगले निर्धारण गरेको सुचकमा मात्र केन्द्रित नभई जनताको आवश्यक्ता र समग्रमा बजेट बाडफाड, कार्यन्वयन, शिक्षा, स्वास्थ्य लगायतमा विशेष प्राथमिकता दिएकाले नतिजा आएको हो । कतिपय विषयवस्तुमा काम भइरहेकै अवस्थामा समेत मुल्यांकन गरिएकाले प्रतिशत बढ्न सकेन तरपनि प्रदेश मै राम्रो ग¥यो सबैका लागी खुशीको कुरा हो । 

राष्ट्रिय प्राकृतिक स्रोत तथा वित्त आयोग हरेक वर्ष स्थानीय तहले गरेको कार्यको मुल्यांकन गर्दै त्यसका अधारमा विभिन्न १७ वटा सुचकको अधारमा मुल्यांकन गर्दै आएको छ । मधेश प्रदेशको १ सय ३६ पालिकाको नतिजा अनुसार उत्कृष्ट पाँचमा बारा र सप्तरी जिल्लाको २/२ वटा पालिका र पर्साको एउटा पालिका परेका छन् ।

जसमध्ये बाराको परवानीपुर गाउँपालिका ६६.४७ अंकले पहिलो, सप्तरीको सुरुङ्गा नगरपालिका ६६.०२ ले दोस्रो, बारा कै कलैया उपमहानगरपालिका ६४.९३ अंकले तेस्रो भएकाे छ । त्यस्तै पर्साको ठोरी गाउँपालिका ६४.१४ अंकले चौथो र सप्तरीको सप्तकोशी नगरपालिका ५८.८४ अंक ल्याएर पाँचौ उत्कृष्ट पालिका भित्र परेका छन् । 

मधेश प्रदेशको उत्कृष्ट पाँच पालिका मध्येले प्रायले बजेट विनयोजन, खर्च व्यवस्थापन, बेरुजु फर्छौट शिक्षा र स्वास्थ्यको मापदण्डलाई प्राथमिकतामा राखेको परवानीपुर गाउँपालिकाका प्रमुख प्रशासकिय अधिकृत प्राण मेहताले बताए । 

राष्ट्रिय प्राकृतिक स्रोत तथा वित्त आयोगले बजेट बाडफाड कार्यन्वयन, शिक्षा, स्वास्थ्य, महिला तथा बालबालिकाको अवस्था लगायतको मुल्यांकन गर्ने गर्दछ । जसमा राजश्व र व्यायको अनुमान, समयसिमा भित्रै गाऊँसभाबाट पारित, प्रक्षेपण गरेअनुसार अर्थमन्त्रालयमा पेश गरे नगरेको, त्यस्तै विनियोजित रकम अनुसार खर्चको व्यवस्थापन, लेखापरिक्षणबाट औल्याएको बेरुजुको अवस्था, विद्यार्थी भर्ना, टिकाउ दर, स्तरवृद्धि, गर्भजाँच तथा महिलाको अनुपात तथा बालबालिकाको खोप लगायतको सुचक मुल्यांकन गर्ने गर्दछ । सभार : नेपाली पब्लिक

वीरगंजबाट हुण्डी काराेबारमा सलंग्न कलवार पक्राउ

0

वीरगंज । पर्सा प्रहरी हुण्डी कारोबारमा संलग्न एक जनालाई वीरगंजबाट पक्राउ गरेको छ ।

प्रहरीले धनुषाको गणेशमान चारनाथ नगरपालिका वडा नम्बर ६ घर भई हाल वीरगंज महानगरपालिका वडा नम्बर १६ बस्ने ५० वर्षीय रामबाबु साह कलवारलाई पक्राउ गरेकाे हाे । 

वीरगंज महानगरपालिका वडा नम्बर १६ दुर्गाहल पछाडीको गल्लीबाट शंकास्पद रुपमा हिँडीरहेको अवस्थामा प्रहरीले कलावरलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरीक्षक कुमार विक्रम थापाले जानकारी दिए ।

प्रवक्ता थापाका अनुसार कलवारले वाेकेकाे झोलबाट स्रोत नखुलेको नेपाली १ हजार दरको ३३५ थान, ५ सय दरको ५६ थान गरी ६ लाख ८२ हजार नेपाली रुपैयाँ र २८ हजार भारतीय रुपैयाँ बरामद भएको छ ।

कलवारको साथबाट कृषी विकास बैंकको २ थान चेकबुक, सानीमा बैंकको चेकबुक ५ थान, माछापुच्छ्रे बैंकको चेकबुक २ थान, एनआईएमबी बैंकको चेकबुक २ थान, मुक्तिनाथ विकास बैंकको चेकबुक २ थान, ग्लोबल बैंकको चेकबुक ३ थान, प्राइम बैंकको चेकबुक २ थान र मेघा बैंकको १ थान गरी १९ थान चेकबुक पनि बरामद भएको थापाले वताए ।

वान प्लस र रेडमीको १/१ थान मोबाईल पनि बरामद भएको उनले जानकारी दिए । कलवारलाई नियन्त्रणमा लिई बैंक तथा वित्तीय संस्था सम्बन्धी ऐन २०७३ विरुद्धको कसूरमा थप अनुसन्धान भइरहेको प्रहरीले प्रेस विज्ञप्ती मार्फत जनाएकाे छ ।

दुर्गाभागवतीकाे पंचरुखिमा जनप्रतिनिधिद्वारा पावरकाे दुरुपयाेग

0

वीरगंज । राैतहटकाे दुर्गाभागवती गाउँपालिका वडा नं. ४ पंचरुखिमा जनप्रतिनिधिहरुले पावरकाे दुरुपयाेग गरेकाे स्थानियले आराेप लगाएका छन् ।

गाउँपालिका अध्यक्ष शम्भु सिंह र वडाध्यक्ष रामानन्द यादवकाे निर्देशनमा सडक अतिक्रमण हटाउने नाउमा ब्यक्तिगत रिस्बी साध्ने काम भएकाे उनीहरुकाे आराेप छ । स्थानियका अनुसार पचरुखिमा २० फिट सडक हुनु पर्ने ठाउँमा प्रयाप्त खाली सडक हुँदा पनि व्यक्तिगत रिस्बीले पक्की घर भत्काउने काम गरिएकाे छ । 

आफ्नाे घर अगाडी चाहिने जति २० फिट खाली सडक हुँदा पनि पक्की घर भत्काएर जनप्रतिनिधिले आफुमाथि अन्याय गरेकाे स्थानिय धिरेन्द्र मिश्रले वताए । उनले गाउँ कार्यपालिकाकाे निर्णय अनुसार २० फिट सडक चाहिएकाेमा आफ्नाे घर अगाडी ३७ फिट जति सरकारी स्वामित्वकाे खाली सडक हुँदा पनि पक्की घर भत्काइएकाे वताए । 

उनले भने “चाहिए जति खालि सडक हुँदा पनि अतिक्रमण हटाउने नाउमा आफ्नाे घर भत्काएर जनप्रतिनिधिले अन्याय गरेका छन् । त्यसमा पनि पुरुष मानिस काेई घरमा नभएकाे बेला एक्कासी आएर घर भत्काउने कार्य गरियाे । महिलाहरु घर खाली गर्न केही समय दिन भनिरहँदा पनि सुनिएन । त्यसैले हामी माथि अन्याय भएकाे छ । याे जनप्रतिनिधिकाे कार्यशैली ठिक भएन ।”

प‍ेशाले शिक्षक समेत रहेका मिश्रले जातिगत र राजनीतिक रिस्बी साध्ने काम भएकाे आराेप लगाए । मुख हेरी हेरी सडक अतिक्रमण हटाउने काम भएकाे उनकाे भनाई छ ।

प्रहरीले पक्राउ गर्ने सूचनापछि कम्बल वाला बाबा फरार

0

वीरगंज । प्यारालाइसीस् लगायतका राेग निकाे पारिदिने भन्दै वीरगंजमा निशुल्क धार्मिक शिविर चलाउँदै आएका भारत गुजरातका काली कम्बलवाला बाबा आइतबार अचानक शिविर छाडेर गायब भएका छन् ।

वीरगंज महानगरपालिकाकाे वडा नम्बर १४ पिपरास्थित चिनी मिलकाे जग्गामा काली कम्बलवाला बाबाले फाल्गुन ३० गतेदेखि ११ दिनका लागि शिविर लगाएका थिए । शिविरमा उनले पक्षघात भएका, हातगाेडा नचल्ने, ढाड कम्मर दुख्ने, क्यान्सर, सुगर, रक्तचाप, पत्थरीलगायतका दीर्घ बिरामीलाई आफ्नाे कालाे कम्बलले टकटकाएर निकाे पारिदिने दाबी गर्दै आएका थिए । ती बाबाकाे अन्धविश्वासमा परेर शिविरमा उनिबाट उपचार गराउनका लागि मधेसका जिल्लाका साथै छिमेकी मुलुक भारतबाटसमेत दिनहुँ हजाराैंकाे संख्यामा आउने बिरामीहरुकाे घुंइचाे लाग्ने गरेकाे थियाे ।

तर आइतबार दिउँसो १२ बजेतिर ती बाबा अचानक शिविर छाडेर गायब भएपछि शिविरमा उपचारका लागि आएकाहरुले प्रदर्शन गरेकाे र त्यसक्रममा प्रहरीले बल प्रयाेग गर्दा स्थिति तनावग्रस्त बनेकाे थियाे ।

प्रदर्शनमा उत्रिएकाहरुले प्रहरी प्रशासनले काली कम्बल वाला बाबालाई पक्राउ गरेर लगेकाे भन्दै सडकमै बसेर धर्ना दिएका थिए ।धर्नामा कारण अवरुद्ध सडक खुलाउन प्रहरीले प्रयास गर्दा झडपपनि भएकाे थियाे । प्रहरीको लाठीचार्जबाट केहि प्रदर्शनकारी घाइतेपनि भएका छन्।

तर प्रहरीले भने ती बाबा आँफै गायब भएकाे बताएको छ । पर्साका प्रहरी उपरीक्षक कुमाेध ढुंगेलले विभिन्न रोगको निशुल्क उपचार गर्ने भनी सर्वसाधारणलाई ठगी गर्दै आएका बाबाको पोल खुलेपछि उनि आँफै फरार भएकाे बताए । धर्मको आडमा बिरामीलाई निको बनाउने बहानामा ठगी गर्दै गरेको खबरपश्चात प्रहरीले पक्राउ गर्ने पूर्व सूचना पाएपछि ती बाबा फरार भएको हुन सक्ने प्रहरीको आशंका छ ।