वीरगंज । ई रिक्साकाे ठक्करबाट घाइते भएका साइकल यात्रुकाे मृत्यु भएकाे छ ।

ई  रिक्साकाे ठक्करबाट घाइते भएका पर्साकाे सखुवा प्रसाैनी गाउँपालिका वडा नं. ५ बलुवा निवासी ३० बर्षिय साेनालाल रामकाे शुक्रबार मृत्यु भएकाे वडा प्रहरी कार्यालय श्रीपुरका प्रहरी निरिक्षक धर्मराज थिङ्गले जानकारी दिए । 

बिहिबार सांझ म.प्र. ०३-००१ अ १८१९ नम्बरकाे ई रिक्साकाे ठक्करबाट गम्भिकर घाइते भएका रामकाे उपचारकाे क्रममा वीरगंजस्थित नेपाल मिडिसिटी बयाेधा अस्पतालमा मृत्यु भएकाे प्रहरी निरिक्षक थिङ्गले वताए । 

बाराकाे परवानीपुर गाउँपालिका वडा नं. ४ स्थित केडिया आँखा अस्पताल अगाडी मेन राेडमा साइकलमा सवार रामलाई परवानीपुरबाट गण्डक तर्फ जाँदै गरेकाे ई रिक्साले ठक्कर दिएकाे थियाे । मृतककाे स्थायी घर सखुवा प्रसाैनीकाे बलुवा भएपनि उनी वीरगंज महानगरपालिकाकाे वडा नं. २१ सुखचैनामा बस्दै आएका थिए ।

ई रिक्साकाे ठक्करबाट गम्भिर घाइते रामलाई साेही ई रिक्सा चालक वीरगंज महानगरपालिकाकाे वडा नं. २१ निवासी कृष्ण कुमार महताेले वयाेधा अस्पतालमा पुर्याएर फरार भएकाे प्रहरीले जनाएकाे छ ।

वीरगंज । पढन गएका बालबालिकालाई घर निर्माणकाे काममा लगाउँदा पर्सामा एक नाबालक विद्यार्थी घाइते भएका छन् । सखुवा प्रसाैनी गाउँपालिका वडा नं. ५ महुवनमा रहेकाे श्री राम जानकी इंगलिश बाेर्डिङ स्कुलकाे लापरवाहीले साेही स्कुलकाे कक्षा एलकेजीमा अध्ययनरत ७ बर्षिय विद्यार्थी अनुप गाेढ घाइते भएका हुन् ।

सखुवा प्रसाैनी गाउँपालिका वडा नं. ५ महुवन निवासी घाइते बालक अनुपकाे बाराकाे परवानीपुर गाउँपालिका वडा नं. ५ स्थित एलएस न्युराे एण्ड जेनरल हाेस्पिटलमा उपचार भइरहेकाे छ । गम्भिर घाइते अनुपकाे टाउकाेमा २८ वटा टांका लागेकाे हस्पिटलले जनाएकाे छ ।  

स्कुलमा पढन गएका आफ्नाे छाेरालाई सखुवा प्रसाैनी गाउँपालिका वडा नं. ५ महुनवन निवासी नै विद्यालयकी संचालिका भगवन्ती कलवारले घर निर्माणकाे काममा लगाएपछि फलाममा लडेर घाइते भएकाे चन्दन साह गाेढले वताए । विद्यार्थीको उमेरकाे ख्याल नगरी विद्यालय नजिक निर्माण भइरहेकाे घरमा ज्यालादारीकाे काममा लगाउँदा आफ्नाे छाेरा घाइते भएकाे उनकाे भनाई छ ।

उनले कलवारकाे लापरवाहीले विद्यालयमा पढन गएका आफ्नाे छाेरा घाइते भएकाेले कारवाहीकाे माग गर्दै बुधबार इलाका प्रहरी कार्यालय पाेखरियामा उजरी समेत दिएका छन् । 

विद्यालयकी संचालिका कलवारले निर्माण भइरहेकाे विद्यालय भवनकाे भित्ता खसेर बालक घाइते भएकाे वताइन । उनले कुनै पनि बालबालिकालाई आफुले भवन निर्माणकाे काममा नलगाएकाे वताइन । उनले भवन निर्माण भइरहेकाे ठाउँमा हाेली मनाउन तयारी गरिरहेका ठुला/ठुला विद्यार्थीहरुसंगै गएका अनुप समेत भित्तामा लडेर घाइते भएकाे वताइन । घाइते भएकाे दिनदेखि नै आफुले अनुपकाे उपचार समेत गराउँदै आएकाे विद्यालयकी संचालिक कलवारले जानकारी गराइन । 

पिडितले बुधबार मात्र जाहेरी दिएकाेले घटना बारे अनुसन्धान भइरहेकाे इलाका प्रहरी कार्यालय पाेखरियाका प्रहरी निरिक्षक माेहन बिक्रम केसीले वताए ।

वीरगंज । सशस्त्र प्रहरी र भारतीय सुरक्षा फौज (एसएसबी)ले पर्सास्थित नेपाल-भारत सीमाबाट संयुक्त गस्ती सुरु गरेका छन् । ठोरी गाउँपालिका १ भगवान्‌ नगरबाट सुरु भएकाे संयुक्त गस्ती टाेली बुधबार पकहाँ मैनपुर गाउँपालिकाका पुगेकाे छ । 

गस्ती टोलीलाई प्रस्तावित गुल्म सिमा सुरक्षा लहावरथकरीका सशस्त्र प्रहरी नायब उपरिक्षक (डिएसपी) प्रेमबहादुर कठायतले मंगलबार छिपहरमाई गाउँपालिकाकाे वडा नं. १ मिर्जापुरमा स्वागत गर्दै टोलीको कमान्ड संभालेका थिए ।

डिएसपी कठायतले आफना ईलाका मिर्जापुर, भिस्वा, लहावरथकरी, पकहाँ मैनपुर हुँदै प्रसौनी भाठामा अर्काे पलाटुन कमान्डरलाई बुधबार जिम्मा लगाएकाे वताए । गस्तीको क्रममा डिएसपी कठायतले स्थानीय बुद्धिजीवी तथा नागरिकहरुसँग समेत अन्तरक्रिया गरेका थिए ।

सीमा सुरक्षाको संवंदनशीलतालाई मध्यनजर गरी सशस्त्र प्रहरी बल, नेपालको परिचालनलाई अझै परिस्कृत, प्रभावकारी एवं नतिजामुखी बनाउन र अन्तर्राष्ट्रिय सीमा नजिकका नागरिकहरुमा शान्ति, सुरक्षाको प्रत्याभूति दिलाउन संयुक्त गस्ती सुरु गरिएको कठायतले बताए ।

सिमा क्षेत्रलाई रक्षा गर्ने, सिमामा रहेका जनता संग सम्बन्ध बिस्तार गर्ने, सिमाका आम जनता संग अन्तरक्रिया गर्दै भारतीय एसएसबि संग सम्बन्ध प्रागाढ गर्ने उदेश्य राखी नियमित रुपमा अनुगमन, निरिक्षण गर्दै गस्ती हुँदै आएकाे उनले वताए ।

टोली मधेश प्रदेशकाे सप्तरी जिल्ला सम्मको सिमामा रेखदेख, निरिक्षण, अनुगमन, सम्बन्ध बिस्तार, अन्तरक्रिया तथा भारतीय एसएसबीसंग संयुक्त रुपमा २४ सै घण्टा गस्ती गर्ने जनाईएको छ । टोलीमा ३५ जनाको सहभागीता रहेको छ ।