वीरगंज । नेशनल लघुवित्त बित्तिय संस्था लिमिटेड केन्द्रिय कार्यालय बनेपा, काभ्रेपलानचोकले आफनो कार्यकालको १० औ बर्ष पुरा गरी ११ बर्षमा प्रवेश गरेको छ ।

बार्षिकाेत्सवकाे अवसरमा नेशनल लघुवित्त बित्तिय संस्था लिमिटेड अनुगमन कार्यालय बर्दिबास महोतरी अन्तर्गतका शाखाहरुले बिभिन ठाउमा बितिय साक्षरता तथा खाद्यान, फलफुल र शैक्षिक सामग्री वितरण गर्ने कार्यक्रम गरेको बर्दिबास अनुगमन कार्यालयका अनुगमन अधिकृत बालिष्टर यादवले जानकारी दिए ।

उनका अनुसार वितिय साक्षरता कार्यक्रम संचालन गौशाला महोतरी शाखाका शाखा प्रमुख रामसुन्दर यादवको समुहले आफनो कार्य क्षेत्र भित्र पर्ने श्री राष्ट्रिय जनता निमन माध्यमिक बिद्यालयका बिधार्थीहरुलाई दिइएको र गोडैता सर्लाही शाखाका शाखा प्रमुख उपेन्द्र यादवको समुहले आफ्नो कार्य क्षेत्र भित्र बलरा नगरपािलकाकाे वडा नं. -२ मा पर्ने श्री आधारभूत बिद्यालय हथिऔलमा आफनो सदस्यहरुलाई बितिय साक्षरता कार्यक्रम गरेको छ ।

शाखा कार्यालय बिन्धि धनुषाका शाखा प्रमुख पंकज कुमार यादवको समुहले आफनो कार्य क्षेत्र भित्र रहेको मानव सेवा आश्रमका बृद्ध वृद्धाहरुलाई फलफुल वितरण गरेको तथा गौरीबास महोतरी शाखाका शाखा प्रमुख जामुन प्रसाद यादवको समुहले आफनो कार्य क्षेत्र भित्र पर्ने आशाको परिवार भने संस्था जसले कुष्ठ रोगका असहायहरुलाई वृद्धा आश्रममा राखेर तथा गरिब, बिपन्न परिवारका कुष्ठ रोग लागेका व्यक्तिको छोरी बच्चालाई छात्राबासमा राखेर पढाई लेखाई र हेरचाह गरिरहेको छ, यी संस्थामा रहेका कुष्ठ रोगका बृद्धहरु तथा छात्राहरु लाई खाधान तथा शैक्षिक सामग्री बितरण गरेको अनुगमन अधिकृत यादवले जानकारी दिए ।

संस्थाले १० बर्षमा आफनो कार्यक्रमलाई उल्लेख्य रुपमा बृद्धि गरी १८४ वटा शाखा मार्फत देशको ७४ जिल्लाका २ लाख २७ हजार महिला तथा पुरुष सदस्यहरुलाई सेवा दिइरहेको छ ।

कार्यक्रम संचालन गर्दै गर्दा संस्थाले २१ अर्ब कर्जा गरिब तथा बिपन्न परिवारमा धितो र बिना धितो लगानी गर्नुका साथै ति सदस्यहरुबाट ६ अर्ब बचत संकलन गरी सुरक्षित साथ कर्जा, बचत, बिमा तथा विप्रेषण सहित सामाजिक कार्यक्रममा भाग लिने तथा सहयोग गर्ने कार्य निरन्तर रुपमा गरिरहेको छ ।

साथै नेशनल लघुवित्त बित्तिय संस्था लिमिटेड एघारौ बर्षमा प्रवेश गर्दै गर्दा समस्त सेवाग्राही, शेयरधनि, नियमनकारी निकाय तथा शुभचिन्तकहरुमा हार्दिक कृतज्ञता ब्यक्त गर्दै आगामी दिनमा अझ सबल र उत्कृस्ट रुपमा प्रस्तुत हुने प्रतिबद्धता अनुगमन अधिकृत यादवले जनाएका छन् ।

वीरगंज । सिद्धार्थ बैँकको वीरगंज शाखामा भएको आगलागीबाट करोडौँको क्षति भएको छ । बैँकको आर्दशनगरस्थित शाखामा भएको आगलागीबाट २ करोड रुपैँयाभन्दा बढीको क्षती भएको प्रहरीले जनाएको छ ।

सोमबार अपरान्ह बैँकको माथिल्लो तल्लाबाट अचानक आगलागी सुरु भएको थियो । अपरान्ह सुरु भएको आगो करिब ४ घण्टापछि मात्र नियन्त्रणमा आएको थियो ।

आगोलाई वीरगंज महानगरपालिका, पोखरीया नगरपालिका, सखुवा प्रसाैनी गाउँपालिका, नेपाल प्रहरी, बाराको कलैया उपमहानगरपालिका, जितपुरसिमरा उपमहानगरपालिका र भारतसमेतबाट आएको बारुणयन्त्रहरु, नेपाल प्रहरी, सशस्त्र प्रहरी र नेपाली सेनाकाे सहयोगमा नियन्त्रणमा लिइएको थियो ।

प्रहरीको प्रारम्भिक अनुसन्धान अनुसार बैँकमा रहेको स्टोर रुमबाट सल्किएको आगो उग्र रुप लिएर यत्रतत्र फैलिएको थियो । ‘स्टोर रुममा सर्ट सर्किट भएर सुरुमै आगो लागेको थाहा नपाउँदा जताततै फैलिएको अनुमान छ, वडा प्रहरी कार्यालय विर्ताका प्रहरी निरिक्षक इन्स्पेक्टर पुष्कर बोगटीले भने, विस्तृत विवरण भने आउन बाँकी छ ।’

उनका अनुसार घटनाको यथार्थ कारणबारे भन्ने खुल्न बाँकी छ । आगलागीका कारण अत्यन्तै ठूलो क्षति भए पनि एकीन विवरण आउन बाँकी रहेको भन्दै उनले २ करोडभन्दा बढीको क्षती भएको अनुमान रहेको उनले बताए । प्रहरीका अनुसार आगलागीबाट बैँकको कोठाहरुमा पूर्ण रूपमा क्षति भएको छ ।

बैंकको भुइ तल्ला बाहेक अन्य ४ तल्लाका सम्पूर्ण कोठाहरु जलेर नष्ट भएको प्रहरी निरिक्षक बोगटीले बताए । यस्तै आगोका कारण बैँकका फाइल, फर्निचर, १ वटा जेनेरेटर लगायत समेत जलेको प्रहरीले जनाएको छ । घटनाबारे आवश्यक अनुसन्धान भइरहेको पर्सा प्रहरीले जनाएको छ ।

वीरगंज । नेपाल पत्रकार महासंघको सदस्यता नामावलीको विरोधमा देशैभर आन्दोलनरत नेपाल प्रेस युनियनले पर्सामापनि धर्ना दिएको छ ।

प्रेस युनिनयन पर्साले सोमबार वीरगंजस्थित नेपाल पत्रकार महासंघ पर्सा शाखाको कार्यालय अगाडि धर्ना दिएको हो । प्रेस युनियन पर्साका अध्यक्ष विजय महतोको नेतृत्वमा युनियनमा आबद्ध पत्रकारहरुले पत्रकार महासंघको कार्यालय अगाडि बिहान ११ बजेदेखि दिउँसो १ बजेसम्म धर्ना दिएका हुन् । प्रेस युनियनको केन्द्रिय कार्य समितिको निर्देशन अनुसार पर्सामापनि दुई घण्टा धर्ना दिइएको प्रेस युनियन पर्साका अध्यक्ष महतोले बताए ।

पत्रकार महासंघको केन्द्रिय नेततृत्वले कुनै संगठन विशेषलाई महासंघको निर्वाचनमा लाभ हुने गरी महासंघको विधान मिचेर सदस्यता नामावली जारी गरेपछि देशैभर युनियनले विरोध जनाउँदै आन्दोलन गरिरहेको अध्यक्ष महतोले बताए ।

महासंघको विधान र प्रकृया पालना गरेर सबै संगठनको सर्वसम्म्तिमा सदस्यता नामावली प्रकाशन नगरिएसम्म युनिनयनको आन्दोलन जारी नै रहने उनले बताए । सदस्यता विवाद सुल्झिएसम्म प्रेस युनियनले महासंघको निर्वाचन पप्रकृया अगाडि बढाउनै नै नदिने चेतावनी पनि अध्यक्ष महतोले दिए ।

धर्ना कार्यक्रममा प्रेस युनियनका केन्द्रिय सदस्यद्वय निलिमा पौडेल र श्रीराम रायमाझी, जिल्ला उपाध्यक्षद्वय क्रान्ति शाह र अली असगर देवान, सचिव इरफान अली, उदय दास थारु, हुकुम सिंह, श्रवण साह, नूर आलम, राहुल गुप्ता, एसएम जहाँगस्त लगायतको सहभागीता रहेको थियो । यसअघि गत शनिबार प्रेस युनियन पर्साले पत्रकार महासंघ पर्सा शाखामा तालाबन्दी गरेको थियो ।