वीरगंज, २४ असोज ।
पर्साको पटेर्वासुगौलीबाट स्वचलित पेस्तोल सहित एक जना पक्राउ परेका छन । पक्राउ पर्नेमा पटेर्वासुगौली गाउँपालिकाको वडा नं. १ बस्ने जुरजोधन हजाराको छोरा अन्दाजी बर्ष २५ को मनोज पासवान रहेका छन ।

जिल्ला प्रहरी कार्यालय, पर्साबाट खटिएको सादापोशाक प्रहरी टोलीले मंगलबार दिउसो ४ बजे पासवानलाई मेड इन युएसए लेखिएको एक थान स्वचालित पेस्तवल र एक थान खालि म्यागजिन सहित पक्राउ गरेको प्रहरीले जनाएको छ ।

नजिकदै गरेको चाडपर्वलाई लक्षित गरि विशेष सुरक्षा योजना अनुसार खटिएको प्रहरीले पटेर्वा सुगौली गाउँपालिकाको वडा नं. ४, फरदवा भुलवाही खोलाको बगरमा चेकजांच गर्ने क्रममा संकास्पद तवरले सुगौली गाउँ देखी निचुटा तर्फ पैदल हिडिरहेको देखि निजलाई रोकी शरिर खानतलासी गर्दा निजको साथबाट लुकाईछिपाई बोकी ल्याएको अवस्थामा पेस्तोल बरामद भए पछि नियन्त्रणमा लिई अनुसन्धान कार्य थालिएको जिल्ला प्रहरी कार्यालय, पर्साले जनाएको छ ।

वीरगञ्ज, २४ असाेज ।

जिल्ला प्रहरी कार्यालय पर्सा अगाडि रहेको लालबंगला दरबारमा सोमबार भएको घटनाको विषयमा मंगलबार जिल्ला प्रशासन कार्यालय पर्सामा सर्वपक्षीय छलफल भएको छ ।

छलफलमा घाइते भई काठमाडांैमा उपचार गराइरहेका दुई बालिकाको उपचारका लागि ठेकेदार कालिका कन्ट्रक्सनले दुई लाख रुपैयाँ उपलब्ध गराएकाे छ भने वीरगंज महानगरपालिकाले पनि मृतकका परिवारलाई सहयाे गरेकाे छ ।

वीरगंज महानगरपालिकाका प्रमुख प्रमुख प्रशासकिय अधिकृत डा. भीष्म कुमार भुषाल सहितकाे टाेलि मृतककाे घर जिराभवानी १, महाधेवपटीमा पुगि रू १ लाख सहयाेग गरेकाे छ ।

यस्तै कालिकाले मृतक बालकका परिवारलाई तत्कालका लागि किरिया खर्च दिने र क्षतिपूर्तिका लागि भने पछि छलफल गरेर रकम दिने सहमति जनाएको छ ।
यस्तै वीरगञ्ज हेल्थ केयर हस्पिटलमा उपचार गराइरहेकी अर्की बालिकाको उपचार खर्च बेहोर्ने सहमति पनि कालिकाले जनाएको छ ।

छलफलमा लालबंगला परिसरमा राखिएका ह्युम पाइपहरू सकभर त्यहाँबाट हटाउने नभए त्यसको रेखदेखका लागि प्रहरी परिचालन गर्ने सहमति पनि भएको छ । प्रमुख जिल्ला अधिकारी लोकनाथ पौडेलको उपस्थितिमा भएको वार्तामा कालिका कन्ट्रक्सनका प्रतिनिधि अर्जुनजंग शाही, पर्साका प्रहरी उपरीक्षक रेवती ढकाल, वीरगञ्ज महानगरपालिका प्रमुख प्रशासकीय अधिकृत डा.भीष्मकुमार भुसाल, राजनीतिक दलका नेता लगायतको सहभागिता रहेको थियो ।

यसै विच मृतक र घाईतेका स्थानियहरुले प्रमुख जिल्ला अधिकारी लोकलोकनाथ पौडेललाई क्षतिपूर्तिको माग गर्दै ज्ञापन पत्र बुझाएका छन ।

सोमबारसाँझ जिल्ला प्रहरी कार्यालय पर्सा अगाडि रहेको रातोबंगलामा कालिका कन्स्ट्रक्सनले थुपारेको ह्युमपाइपमा खेल्ने क्रममा गम्भीर घाइते भएका वीरगञ्ज–९ रानीघाटका चार जना बालबालिका मध्ये एक बालकको मृत्यु भएको थियो । घाइते भएका चार जना बालबालिका मध्ये बालमुकुन्द राउत चौधरीका छोरा आठ वर्षीय रोहित राउत चौधरीको मृत्यु भएको हो ।

वीरगंज, २३ असोज ।

सशस्त्र प्रहरीले वीरगञ्जमा कपडा बरामद गरेको छ । रातको समयमा भन्सार छलेर ल्याउँदै गरेको चार लाख १८ हजार ३१ रूपैयाँ बराबर मूल्यको बरामद गरिएको सशस्त्र प्रहरीले जानकारी दिएको छ ।

वीरगञ्ज महानगरपालिका-६ छपकैया नयाँ बस्ती इलाकाबाट ४ लाख १८ हजार ३१० रुपैयाँ मूल्य बराबरको कपडा बरामद गरिएको  हो ।

सशस्त्र प्रहरीको वीरगञ्ज भन्सारस्थित गुल्मबाट खटिएको मोबाइल गस्ती टोलीले सुट, सर्ट पाइन्टका कपडाहरु, टप्स, मोबाईल चार्जर, जुत्ता लगायतका सामग्री बरामद गरेको सशस्त्र प्रहरीले जनाएको छ ।

बरामद गरिएको समान आवश्यक कारबाहीका लागि वीरगञ्ज भन्सार कार्यालय पठाइएको सशस्त्र प्रहरी निरीक्षक पदमबहादुर खड्काले जानकारी दिए ।