वीरगंज । वीरगंजका अभिभावकहरूले न्यु पुजा पुस्तक पसलले निजी विद्यालयका पाठ्यपुस्तक बिक्रीमा अभिभावकलाई कुनै पनि छुट नदिने गरेको गुनासो गरेका छन् ।
अभिभावकहरूका अनुसार वीरगंजका अन्य पुस्तक पसलहरूले विद्यालयका किताबहरूमा १० देखि २५ प्रतिशतसम्म छुट दिने भए पनि न्यु पुजा पुस्तक पसलले भने एक प्रतिशत पनि छुट नदिने गरेको छ । यसले अभिभावकहरू आर्थिक रूपमा थप मारमा परेको उनीहरूको भनाइ छ ।
अभिभावकहरूले सो पसलले केही निजी विद्यालयहरूसँग मिलेमतो गरी पुस्तक बिक्रीको व्यवस्था गरेको आरोप समेत लगाएका छन् । उनीहरूका अनुसार उक्त पसलले विद्यालयहरूलाई मोटो कमिशन उपलब्ध गराउने कारणले विद्यालयहरूले अभिभावकलाई त्यही पसलमा किताब किन्न पठाउने गरेका छन् ।
यस्तै, कतिपय निजी विद्यालयहरूले अभिभावकलाई किताबको पूर्ण सूची समेत उपलब्ध नगराई न्यु पुजा पुस्तक पसलको कार्ड दिएर मात्र पुस्तक किन्न पठाउने गरेको आरोप पनि अभिभावकहरूको छ । यसले बजारमा प्रतिस्पर्धा कमजोर बनाउँदै अभिभावकहरूलाई अनावश्यक आर्थिक भार थपिएको उनीहरूको दाबी छ ।
पुस्तक पसल संचालकले निजि विद्यालयको किताब नबच्ने भएकोले छुट नदिने गरेको भनाई छ । अभिभावकहरूले भने शिक्षा क्षेत्रमा पारदर्शिता र बजारमा निष्पक्षता कायम गर्न सम्बन्धित निकायको ध्यानाकर्षण गराएका छन् ।
School sang setting garer book sale garxa
Book list aru lai dide na
Kune kune school ko book only puja pustak ma matra paunxa
Setting ma book select garxa
Prakashak sang setting garer