Date
आइत, बैशाख २७, २०८३
Sun, May 10, 2026

वीरगंजमा मोटरसाइकल चोरी गर्दै गरेका युवक पक्राउ

वीरगंज । पर्सा प्रहरीले मोटरसाइकल चोरी गर्दै गरेका एक युवकलाई पक्राउ गरेको छ । पक्राउ पर्नेमा वीरगंज महानगरपालिका–१३ निवासी २० वर्षीय अकतर हुसेन रहेका छन् ।

- Advertisement -

जिल्ला प्रहरी कार्यालय पर्साका अनुसार गत २०८३ वैशाख २५ गते साँझ करिब ७ बजे जिल्ला बारा जितपुर सिमरा उपमहानगरपालिका–७ निवासी ३२ वर्षीय दिपेन्द्र कुमार गुप्ताको नाममा दर्ता रहेको प्र.२–०३–०१९ प ६३५० नम्बरको २२० सीसीको कालो–रातो रंगको पल्सर मोटरसाइकल वीरगंज महानगरपालिका–१३ स्थित नारायणी यातायात कार्यालय अगाडि पार्किङ गरी राखिएको थियो ।

सोही क्रममा मोटरसाइकलको लक तोडी चोरी गरी भाग्ने प्रयास भइरहेको अवस्थामा स्थानीयवासी र प्रहरीको संयुक्त सहयोगमा मोटरसाइकलसहित अकतर हुसेनलाई नियन्त्रणमा लिइएको प्रहरीले जनाएको छ ।

पक्राउ परेका हुसेनविरुद्ध चोरी सम्बन्धी कसूरमा थप अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक हरि बहादुर बस्नेतले जानकारी दिए ।

ताजा अपडेट

कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

पोखरियामा बैश्य समाजकाे नगर समिति गठन

पोखरिया । पर्साको पोखरियामा सम्पन्न एक भेलाले बैश्य समाज पोखरिया नगर समिति सर्वसम्मत रूपमा गठन गरेको छ। कुल ९ सदस्यीय समिति गठन गरिएको हो। समितिको...

वीरगंज महानगरले भन्याे : आइतबार विद्यालय नखाेल्नु र किताब–ड्रेस बिक्री नगर्नु

वीरगंज । वीरगंज महानगरपालिकाले आइतबारका दिन पठनपाठन पूर्ण रूपमा बन्द गर्न संस्थागत विद्यालयहरूलाई निर्देशन दिएको छ । संघीय सरकारले सरकारी कार्यालयसहित शिक्षण संस्थाहरू हप्तामा दुई...

प्रि–प्राइमरी शिक्षकलाई अभिमुखिकरण

वीरगंज । वीरगंज महानगरपालिका–१२, मुर्लीस्थित विद्या सदन माध्यमिक विद्यालयमा एकदिने “प्रारम्भिक बालविकास (ईसिडी) अभिमुखीकरण कार्यक्रम” सफलतापूर्वक सम्पन्न भएको छ। अभ्यास नेपाल शैक्षिक प्रतिष्ठान प्रा. लि....