वीरगंज । बाराको परवानीपुर गाउँपालिका– ३ परवानीपुर बजारमा ट्याक्टरबाट माटो खसाउने क्रममा एक युवकको मृत्यु भएकाे घटनामा सलंग्न एक जनालाई प्रहरीले पक्राउ गरि मुद्दा चलाएकाे छ । प्रहरीले उक्त ट्याक्टरका चालकलाई पक्राउ गरेर कर्तव्य जान मुद्दामा म्याद थप गरि अनुसन्धान थालेकाे छ ।
पक्राउ पर्नेमा ना.५ त ३०११ नम्मबरका ट्याक्टर चालक वीरगंज महानगरपालिका-२१ का ५० वर्षीय काशी महतो तत्मा रहेको बारा प्रहरीले जनाएको छ ।
गत आइतबार स्थानीय रामबाबु रौनियारको जग्गामा ट्याक्टरले रातिको समयमा माटो खसाउने क्रममा माटोले पुरिएर प्लाष्टिक टिप्ने युवकको मृत्यु भएको थियो । प्रहरीका अनुसार आइतबार रातिको समयमा खाली जग्गामा माटो खसाउने क्रममा प्लाष्टिक टिपेर जीविकोपार्जन गर्ने बाराको परवानीपुर गाउँपालिका-५ नौतन निवासी ३८ वर्षीय दु:खी महतो बिनको मृत्यु भएको थियो ।
स्थानियका अनुसार गाउँपालिकाद्वारा परवानीपुर बजारमा निर्माण भइरहेकाे सेडकाे माटाे ट्याक्टरबाट मध्ये रातिमा राैनियारकाे जग्गामा खसाउने काम भइरहेकाे थियाे । मध्य रातमा माटाे खसाउनु र साे क्रममा माटाेले च्यापिएका ब्यक्तिलाई अस्पताल नपुर्याउनु नै घटना संकास्पद रहेकाे छ ।
इलाका प्रहरी कार्यालय प्रसौनीका प्रहरी निरीक्षक टुपेन्द्र श्रेष्ठका अनुसार ट्याक्टरबाट माटाे खसाउने क्रममा माटाेले च्यापेर महताेकाे मृत्यु भएको जस्तो देखिएकाले सिसिटिभीको मद्दतले अनुसन्धान प्रक्रिया अगाडि बढेपछी ट्याक्टर चालक तत्मा पक्राउ परेका हुन् ।
मृतक युवक भेटिएको घटनास्थलमा पुगेको प्रहरी टोलीले ट्याक्टरका चालक तत्मालाई पक्राउ गरेर अनुसन्धान प्रक्रिया पनि अगाडि बढाएको प्रहरी निरीक्षक श्रेष्ठले बताए । उनका अनुसार मृतक युवक च्यापिएपछि घटनास्थलबाट केही अगाडि शवलाई राखिएकाले घटनामा अन्यको पनि संलग्नता रहेको भन्दै अनुसन्धान प्रक्रिया बढेको छ ।
यता घटनामा सलंग्न अन्यलाई जाेगाउन स्थानिय जनप्रतिनिध र नेताहरु सक्रिय रहेकाे बुझिएकाे छ । स्राेतका अनुसार उनीहरुले पिडितलाई दबाव दिएर मात्र ट्याक्टर चालकमाथि जाहेरी दिन लगाएका छन् ।
यस बिषयमा जग्गा धनी राैनियारसंग बुझ्दा घटना कसरी भयाे भने आफुलाई जानकारी नरहेकाे वताए । मध्य रातमा तपाईकाे जग्गामा माटाे खसाउनुकाे कारण के रहेकाे साेध्दा गाउँपालिकाले खसाउने काम गरेकाे वताए । तर स्थानियहरुले मध्ये रातमा माटाे खसाउनु र घटना भएपछि पिडिलाई अस्पताल नपुर्याउनुमा उनकाे भुमिका पनि शंकास्पद रहेकाे वताएका छन् ।
