कलैया । बारा प्रहरीले सिम्रौनगढबाट लागूऔषध गाँजासहित एक जनालाई नियन्त्रणमा लिएको छ । प्रहरीले सिम्रौनगढ नगरपालिका–६ गोलागंज निवासी करिब ३० वर्षीय विश्वनाथ मलिक डोमलाई गाँजासहित नियन्त्रणमा लिएको जनाएको छ ।
- Advertisement -
जिल्ला प्रहरी कार्यालय बाराका अनुसार साेमबार राति करिब ९ बजे विशेष सूचनाको आधारमा इलाका प्रहरी कार्यालय सिम्रौनगढबाट प्रहरी नायब निरीक्षक सुन्दरकान्त मिश्राको कमाण्डमा खटिएको टोलीले खोजतलास गर्दा डाेमकाे घरबाट ७ किलो गाँजा बरामद गरेको हो ।
पक्राउ परेका मलिकमाथि बारा जिल्ला अदालतबाट म्याद थप गरी थप अनुसन्धान भइरहेको जिल्ला प्रहरी कार्यालय बाराका निमित्त सूचना अधिकारी प्रहरी निरीक्षक सुरेशराज भट्टले जानकारी दिएका छन् ।
