वीरगंज । पर्सा क्षेत्र नम्बर–२ बाट राष्ट्रिय प्रजातन्त्र पार्टी (राप्रपा)ले आउँदो फागुन २१ गते हुने प्रतिनिधिसभा निर्वाचनका लागि बिना जैसवाल कुर्मीलाई आधिकारिक उम्मेदवार घोषणा गरेको छ।
वीरगंज–२४ रामगढवा निवासी कुर्मीलाई पार्टीले टिकट प्रदान गर्दै पर्सा–२ बाट उम्मेदवारी अघि सारेको हो । यसअघि उनी राप्रपाबाटै समानुपातिक प्रतिनिधिसभा सदस्य रहेकी थिइन्।
यस क्षेत्रमा अन्य दलहरूले पनि उम्मेदवार सार्वजनिक गरिसकेका छन् । नेकपा एमालेबाट रिमा कुमार यादव, नेपाली कम्युनिष्ट पार्टीबाट मनोज चौधरी, राष्ट्रिय स्वतन्त्र पार्टीबाट सुशिल साह कानु, जनमत पार्टीबाट नविन प्रकाश साह, आम जनता पार्टीबाट रन्जु साह, नेपाली जनता पार्टीबाट सन्ताेष पटेल उम्मेदवार बनेका छन्।
यता नेपाली कांग्रेसले भने पर्सा–२ मा अझै उम्मेदवारको टुंगो लगाउन सकेको छैन । बहुदलीय प्रतिस्पर्धाका कारण पर्सा–२ को चुनावी माहोल थप रोचक बन्ने देखिएको छ ।
