वीरगंज । पर्सा क्षेत्र नम्बर २ बाट वीरगंज महानगरपालिका वडा नं. १० का वडाध्यक्ष सुशिल साह कानु प्रतिनिधि सभा सदस्यको निर्वाचनमा राष्ट्रिय स्वतन्त्र पार्टी (रास्वपा) बाट उम्मेदवार बन्ने भएका छन्।
रास्वपाले कानुलाई पर्सा क्षेत्र नं. २ बाट प्रतिनिधि सभा सदस्यका लागि उम्मेदवारको टिकट प्रदान गरिएकाे जानकारी प्राप्त भएकाे छ। पार्टी स्रोतका अनुसार शुक्रबार राति उनलाई औपचारिक रूपमा उक्त क्षेत्रबाट चुनाव लड्न टिकट दिइएको हो ।
कानुलाई रास्वपाका बरिष्ठ नेता बालेन साह र रास्वपा सभापति रवि लामिछाने समूहको समर्थनमा उम्मेदवार बनाइएको बताइएको छ।
यसैबीच, चुनावी प्रचार–प्रसारका क्रममा बालेन साह र रवि लामिछाने स्वयं वीरगंज आउने तयारीमा रहेको जानकारी पनि प्राप्त भएको छ। दुबै नेताकाे आगमनसँगै पर्साको चुनावी माहोल थप तातिने राजनीतिक विश्लेषकहरूको भनाइ छ।
वडाध्यक्ष कानुको उम्मेदवारीसँगै पर्सा क्षेत्र नम्बर २ मा रास्वपाको संगठन तथा चुनावी रणनीति थप मजबुत हुने अपेक्षा गरिएको छ।
