वीरगंज । शक्ति युवा क्लबको आयोजनामा पाँचौँ परवानीपुर गोल्डकप फुटबल प्रतियोगिता सञ्चालन हुने भएको छ। आगामी चैत ७ गतेदेखि परवानीपुर खेल मैदानमा प्रतियोगिता आयोजना गर्ने निर्णय गरिएको हो।
क्लबका अध्यक्ष सुबोध श्रीवास्तवको अध्यक्षतामा शनिबार बसेको बैठकले प्रतियोगिताको संयोजकमा वरिष्ठ उपाध्यक्ष सञ्जय मण्डल र सह–संयोजकमा उपाध्यक्ष दिपक यादवलाई जिम्मेवारी तोकेको छ।
यस्तै बैठकले आगामी माघ १७ गते क्लबका पदाधिकारी तथा सदस्यहरूको सहभागितामा बनभोज कार्यक्रम आयोजना गर्ने निर्णय पनि गरेको छ। बनभोज कार्यक्रमको व्यवस्थापनका लागि उपाध्यक्ष हुलास यादव र कोषाध्यक्ष सोनालाल मण्डललाई जिम्मेवारी दिइएको महासचिव ध्रुव प्रसाद साहले जानकारी दिए।
क्लबलाई नियमित र चलायमान बनाउने उद्देश्यले प्रत्येक महिनामा बैठक बस्ने निर्णयसमेत बैठकबाट गरिएको छ।
बैठकमा क्लबका सल्लाहकार राज महम्मद मियाँ र उमेद राम, तथा सदस्यहरू मनोज मिश्र, तिवारी यादव, इमाम आलम, रमेश सर्राफ, सलिम आलम, मनिर आलम लगायतको उपस्थिति रहेको थियो।
