वीरगंज । पर्सा निर्वाचन क्षेत्र नम्बर–१ अन्तर्गत वीरगंज महानगरपालिका वडा नम्बर–१६ को नगवा (मध्य टोल) मा जनमत पार्टीले स्थानीयसँग भेटघाट तथा संवाद कार्यक्रम सम्पन्न गरेको छ। कार्यक्रममा ५० जना भन्दा बढी स्थानीयले जनमत पार्टीमा प्रवेश गरेका छन्।
कार्यक्रमका क्रममा नगवा बुथ समितिको इन्चार्जमा किरन चौरसिया चयन भएका छन् भने युवा दस्ता संयोजकको जिम्मेवारी निखिल चौरसियालाई दिइएको छ। यसैगरी चन्द्रावती यादवको अध्यक्षतामा बुथ स्तरीय महिला समिति पनि गठन गरिएको छ।
कार्यक्रमलाई सम्बोधन गर्दै जनमत पार्टी पर्सा जिल्ला अध्यक्ष तथा क्षेत्र नम्बर–१ का प्रस्तावित उम्मेदवार ओमप्रकाश सरार्फले मधेस र देशको भविष्यका लागि जनमत पार्टी नै एक मात्र विकल्प रहेको दाबी गरे। उनले जनमत पार्टीको मुख्य एजेन्डा ‘नयाँ गणतन्त्र’ रहेको उल्लेख गर्दै यो एजेन्डा नै युवा तथा जेन–जी आन्दोलनको मूल आधार भएको बताए। सबैले यसलाई आत्मसात गर्दै पार्टीलाई सशक्त बनाए मात्र देशमा दिगो शान्ति र समृद्धि सम्भव हुने उनको भनाइ थियो।
कार्यक्रममा जनमत पार्टीका केन्द्रीय सदस्यहरू बिध्यालाल प्रसाद, सिमा गुप्ता, श्याम शंकर चौरसिया, राष्ट्रिय परिषद सदस्य ब्रीजकिसोर कलवार, शिव यादव, क्षेत्र नम्बर–१ का पर्यवेक्षक डा. मनोज कुमार, सिए देवराज, निराजन कुशवाहा, क्षेत्र नम्बर–१ का अध्यक्ष दिनानाथ प्रसाद साह, बिजय पास्वान, बबिता पुडासैनी लगायतको उल्लेखनीय उपस्थिति रहेको थियो।
