वीरगंज । २५औँ सशस्त्र प्रहरी दिवस २०८२ को अवसरमा सशस्त्र प्रहरी बल नेपाल नं. १३ गण हे.क्वा. पर्साले विपन्न परिवारलाई सहयोग वितरण गरेको छ।
आइतबार साँझ ५ः३० बजे सशस्त्र प्रहरी बल नं. १३ गण हे.क्वा. पर्साका गणपति सशस्त्र प्रहरी उपरीक्षक पुरन चन्द्र भट्टले वीरगंज महानगरपालिका–२८ बगही निवासी ३६ वर्षीय मन्सी पटेलको घरमा पुगेर भेटघाट गर्नुभएको थियो । साेही क्रममा उहाँले मधेस आन्दोलनका जिउँदो शहिदका रूपमा परिचित मन्सी पटेलको परिवारलाई न्यानो कपडा (कम्बल) तथा खाद्यान्न सामग्री सहयाेग गर्नु भयाे ।
साथै विभिन्न व्यक्तिहरूको सहयोगबाट निर्माण भएको मन्सी पटेलको घरमा सशस्त्र प्रहरी बल नेपाल नं. १३ गण हे.क्वा. पर्साले आवश्यक विद्युतीय वाइरिङ गर्ने व्यवस्था मिलाइने सशस्त्र प्रहरी उपरीक्षक पुरन चन्द्र भट्टले वताउनुभयाे ।
सशस्त्र प्रहरी बलले २५औँ सशस्त्र प्रहरी दिवसको अवसरमा सामाजिक उत्तरदायित्व वहन गर्दै समुदायसँगको सम्बन्ध सुदृढ गर्ने उद्देश्यले यस्ता मानवीय तथा सहयोगात्मक कार्यक्रमहरू निरन्तर सञ्चालन गर्दै आएको जनाएको छ।
