वीरगंज । सशस्त्र प्रहरी बल नेपालका महानिरीक्षक आईजीपि राजु अर्यालले वीरगञ्ज–रक्सौल अन्तर्राष्ट्रिय मितेरी पुल क्षेत्र वरिपरि भइरहेको सौन्दर्यकरण कार्यको स्थलगत निरीक्षण गरेका छन् ।
निरीक्षणका क्रममा महानिरीक्षक अर्यालले सीमा क्षेत्रको सुरक्षा, सरसफाइ र व्यवस्थित पूर्वाधार विकासलाई प्रभावकारी बनाउन सम्बन्धित निकायलाई आवश्यक निर्देशन दिएका छन् । उनले नेपाल–भारत सीमा क्षेत्र संवेदनशील भएको हुँदा यहाँ वातावरणीय सौन्दर्य, स्वच्छता र सुरक्षा व्यवस्थापन सुदृढ गर्नुपर्ने आवश्यकता औँल्याए ।
उनले सीमा क्षेत्रमा हरियाली प्रवद्र्धन, सार्वजनिक स्थानको संरक्षण र दीर्घकालीन व्यवस्थापनमा सरोकारवाला निकायबीच सहकार्य आवश्यक रहेकोमा जोड दिए ।
सौन्दर्यकरण अभियान वीरगञ्ज महानगरपालिका, ग्रीन सिटी सामुदायिक प्रहरी सेवा केन्द्र, आदर्शनगर र सशस्त्र प्रहरी बल १३ नम्बर गण, वीरगञ्जको संयुक्त आयोजनामा सञ्चालन भइरहेको छ । अभियानले वीरगञ्जलाई हराभरा, स्वच्छ र वातावरणमैत्री सहर बनाउने लक्ष्यमा सहयोग पु¥याइरहेको वीरगञ्ज महानगर प्रमुख राजेशमान सिंहले बताए ।
निरीक्षणका क्रममा सशस्त्र प्रहरीबल नेपाल पर्साका प्रमुख प्रहरी उपरीक्षक पुरन चन्द भट्ट, सशस्त्र प्रहरी नायब उपरीक्षक पुरुषोत्तम भण्डारी, ग्रीन सिटी सामुदायिक प्रहरी सेवा केन्द्र, आदर्शनगरका अध्यक्ष जयप्रकाश खेतान, वडा प्रहरी कार्यालय बिर्ताका प्रमुख प्रहरी निरीक्षक बिक्रम सुवेदी, रक्सौल सीमा सुरक्षाबलका पदाधिकारी, सशस्त्र प्रहरीका प्रतिनिधि, नगरप्रहरी तथा सर्वसाधारणको उपस्थिति रहेको थियो ।
कार्यक्रममा सहभागीहरूले सीमा क्षेत्रको सौन्दर्यकरणले सुरक्षा मात्र नभई पर्यावरण संरक्षण र नागरिक सचेतनामा समेत योगदान पु¥याउने विश्वास व्यक्त गरेका छन् ।
