वीरगंज । नेपाल विद्युत् प्राधिकरण ललितपुर शाखाबाट सरुवा भई वीरगंज विद्युत् प्राधिकरण शाखामा पदस्थापन भएका विजय महतोको सम्मान तथा स्वागत कार्यक्रम उत्साहपूर्वक सम्पन्न गरिएको छ। वीरगंजको ऊर्जा सेवा थप प्रभावकारी र जनमैत्री बनाउने उद्देश्यसहित आयोजना गरिएको कार्यक्रममा उनको आगमनले विद्युत् व्यवस्थापन सुधारमा महत्वपूर्ण भूमिका रहने विश्वास व्यक्त गरिएको छ।
कार्यक्रममा वीरगंज महानगरपालिकाका नगर प्रमुख राजेशमान सिंहको सम्मानित उपस्थिति रहेको थियो। सोही अवसरमा महानगरपालिकाका प्रमुख अधिकृत अरविन्द लाल कर्ण र विद्युत् शाखाका प्रमुख इन्जिनियर राजिव उपाध्यायसहित अन्य अधिकारीहरूको सहभागिताले कार्यक्रमको महत्वलाई अझ बढाएको थियो।
उपस्थित अतिथिहरूले महतोको नयाँ जिम्मेवारीमा सफलताको शुभकामना व्यक्त गर्दै वीरगंज महानगरका नागरिकलाई सहज, द्रुत र भरपर्दो विद्युत् सेवा पुर्याउनेतर्फ सहकार्य र समन्वयको प्रतिबद्धता जाहेर गरेका छन्।
स्वागत कार्यक्रमले शाखा, महानगर तथा स्थानीय समुदायबीचको सहकार्यलाई सुदृढ बनाउँदै भावी ऊर्जा व्यवस्थापनलाई थप व्यवस्थित र प्रभावकारी बनाउने विश्वास गरिएको छ।
