वीरगंज । जिल्ला प्रहरी कार्यालय पर्साले बैंकिङ कसुर मुद्दामा फरार रहेका अनिल कुमार साहलाई पक्राउ गरेको छ।
प्रहरीका अनुसार, विशेष सूचनाको आधारमा खटिएको टोलीले वीरगंज महानगरपालिका–१५ ब्रहमचोकस्थित स्थानबाट वीरगंज–१६ बस्ने ३२ वर्षीय अनिल कुमार साहलाई शुक्रबार दिउँसो १:१० बजे पक्राउ गरेको हो।
साहलाई पर्सा जिल्ला अदालतले मिति २०८१ साउन २४ गते बैंकिङ कसुर मुद्दामा २ वर्ष कैद सजाय र रु. १ करोड ९२ लाख ४० हजार जरिवाना तोकेको थियो । साथै, उनी अन्य दुई मुद्दामा पनि संलग्न रहेका थिए।
पक्राउ परेका साहलाई आजै पर्सा जिल्ला अदालतमा पेश गरिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक हरि बहादुर बस्नेतले जानकारी दिए ।
