वीरगंज । सशस्त्र प्रहरीले वीरगंजमा भन्सार छली गरी ल्याइएका कपडा तथा किराना सामान नियन्त्रणमा लिएको छ ।
विशेष सूचनाका आधारमा सशस्त्र प्रहरी सीमा सुरक्षा गुल्म वीरगंजबाट खटिएकाे टाेलीले मंगलबार दिउसाे १२:२५ बजे वीरगंज महानगरपालिका–१६, नगवा पानी ट्याङ्कीस्थित बाल कुमार राउत कुर्मीको घरमा छापा मारि गरेर भन्साल छलीकाे कपडा तथा किराना सामान बरामद गरेकाे ह।
सशस्त्र प्रहरी नायब उपरीक्षक पुरुषोत्तम भण्डारीको कमाण्डमा नौ जना सशस्त्र प्रहरी र वीरगंज भन्सार कार्यालयका नासु सुवर्ण पौडेलसहित दुई जनाको संयुक्त टोलीले छापामारी गरी अन्दाजी ५ लाख रुपैयाँ बराबरको कपडा र किराना सामान नियन्त्रणमा लिएको सशस्त्र प्रहरी बल नेपाल नं. १३ गण पर्साका सूचना अधिकारी डिएसपी सुरज कार्कीले जानकारी दिए ।
बरामद गरिएका सामानहरू आवश्यक प्रक्रिया पूरा गरी वीरगंज भन्सार कार्यालयमा बुझाउने कार्य भइरहेको सूचना अधिकारी डिएसपी कार्कीले वताए ।
