वीरगंज । पर्साको वीरगंज महानगरपालिका–१४ गण्डक चोकमा सशस्त्र प्रहरीले ठूलो परिमाणमा कपडा र ई–रिक्सा बरामद गरेको छ।
सशस्त्र प्रहरी बल, नेपाल नं.१३ गण हे.क्वा. पर्साबाट सशस्त्र प्रहरी सहायक निरिक्षक दिपेश चौधरीको कमाण्डमा खटिएको सात जनाको गस्ती टोलीले शनिबार बिहान करिब ९:३० बजे भारतबाट अबैध रुपमा भन्सार छली मधेश प्रदेश ०३–००१ ह २७६९ नम्बरको ई–रिक्सामा लोड गरी परवानीपुरतर्फ लैजाँदै गरेको अवस्थामा कपडा बरामद गरेको हो ।
बरामद गरिएको कपडाको अनुमानित मूल्य ५० हजार रुपैयाँ र ई–रिक्साको मूल्य करिब ३ लाख रुपैयाँ रहेको सशस्त्र प्रहरीले जनाएको छ । सशस्त्र प्रहरीका अनुसार बरामद सामानकाे मूल्य जम्मा ३ लाख ५० हजार रुपैयाँ रहेकाे छ ।
घटनापछि ई–रिक्सा चालक भने भाग्न सफल भएको प्रहरीले जनाएको छ । बरामद गरिएको सामान र सवारी साधन आवश्यक कारवाहीका लागि भन्सार बुझाउने प्रकृयामा रहेको सशस्त्र प्रहरी बल नं.१३ गण, पर्साका सूचना अधिकारी डिएसपी सुरज कार्कीले जानकारी दिए ।
