काठमाडौं । देशभर सुरक्षालाई मजबुत पार्दै नेपाली सेनाले राजधानी र विभिन्न जिल्लामा ठूला सफलता हात पारेको छ।
नेपाली सेनाले काठमाडाैंकाे महाराजगञ्ज क्षेत्रबाट लुटपाटमा संलग्न चार जनालाई पक्राउ गर्दै उनीहरूबाट सात नाल हतियार, म्यागजिन, राउण्ड, व्युनेटलगायतका सामग्री र व्यक्तिगत सामान बरामद गरेको छ ।
यस्तै विशेष सूचनाका आधारमा बालाजु माछापोखरी क्षेत्रबाट थप एक नाल हतियार बरामद गरिएको नेपाली सेनाले जनाएको छ । हालसम्म ७३ नाल हतियार बरामद गरिएको छ।
यसैबीच काभ्रे स्थित धुलिखेल जिल्ला कारागारमा कैदीबन्दी र नेपाल प्रहरीबीच झडप भएको थियो। अहिले स्थिति नियन्त्रणमा आएको छ।
त्यसैगरी डिल्लीबजार कारागारमा लागेको आगो नेपाली सेना तथा अन्य सुरक्षाकर्मीको संयुक्त प्रयासमा नियन्त्रणमा लिइएको छ।
सुरक्षा फौजले कारागारबाट फरार भएका कैदीबन्दीलाई नियन्त्रणमा लिन सक्रियता बढाएका छन् । हालसम्म सप्तरीमा ४, सुनसरीमा २०२, रुकुम (पश्चिम)मा ४३, कपिलवस्तुमा ५० र म्याग्दीमा ४ जना फरार कैदी पक्राउ परेका छन् ।
