काठमाडौं । नेपाली सेनाले हालको विषम परिस्थितिको अनुचित फाइदा उठाएर सर्वसाधारण र सार्वजनिक सम्पत्तिमा क्षति पु¥याउने, लुटपाट तथा आगजनी गर्ने कार्य रोक्न कडा चेतावनी दिएको छ।
- Advertisement -
सेनाले विज्ञप्ति जारी गर्दै यस्तो गतिविधि नरोके सेनासहित सम्पूर्ण सुरक्षा निकायहरु नेपाल र नेपालीको सुरक्षाका लागि आफ्नो प्रमुख जिम्मेवारी अनुसार आज (भदौ २४ गते) राति १० बजेदेखि स्थिति नियन्त्रणमा लिन दृढ रहने प्रतिबद्धता जनाएको छ।
विज्ञप्तिमा भनिएको छ, “यस किसिमका गतिविधिहरु नरोकिएको खण्डमा नेपाली सेनालगायत सम्पूर्ण सुरक्षा निकायहरु स्थिति नियन्त्रणमा लिन बाध्य हुनेछ। सम्पूर्ण राष्ट्रबासीलाई सहयोगको लागि हार्दिक अपिल गर्दछौं।”
सुरक्षा निकायको संयन्त्र सक्रिय रहेकाले परिस्थितिको पुनर्मूल्याङ्कन गरी आवश्यक परे थप सूचना जारी गरिने सेनाले जनाएको छ।
