काठमाडौं । काठमाडौं महानगरपालिकाका मेयर बालेन शाहले हालै भएको Gen Z आन्दोलनबारे प्रतिक्रिया दिँदै युवापुस्तालाई संयमित रहन आग्रह गरेका छन्।
उनले सामाजिक सञ्जाल फेसबुकमार्फत भने, “यो नितान्त Gen Z को आन्दोलन हो । प्रिय Gen Z, तपाईंहरूको हत्याराको राजीनामा आइसकेको छ। अब संयमित हुनुहोला । देशको जनधनको क्षति भनेको तपाईं हाम्रै सम्पत्तिको क्षति हो।”
मेयर बालेनले युवापुस्ताले नै अब देशको नेतृत्व गर्नुपर्ने समय आएको बताउँदै तयारी गर्न आह्वान गरेका छन् । साथै, उनले सेना प्रमुखसँग वार्ताको आवश्यकता औंल्याउँदै भनेका छन्, “तर याद रहोस्—वार्ता गर्नु अघि संसद् विघटन भएको हुनुपर्छ।”
उनको भनाइ सार्वजनिक भएपछि आन्दोलनरत युवाहरूबीच चर्चा बढेको छ । देशभरी प्रदर्शन उग्र रुप लिदै गएपछि बालेन संयमित हुन आग्रह गरेका हुन् ।
