वीरगंज । वीरगञ्ज भन्सार क्षेत्रमा सोमबार अज्ञात समूहद्वारा गरिएको गोली प्रहारमा एक महिला घाइते भएकी छन्।
भारतकी १८ वर्षीया निशा कुमारी सहनी गोली लागेर घाइते भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डीएसपी) किशोर लम्सालले जानकारी दिए।
घाइते सहनीको अहिले वीरगञ्जस्थित नारायणी अस्पतालमा उपचार भइरहेको छ। घटनापछि प्रहरीको टोली खटिएको र गोली प्रहारमा संलग्न भएको आशंकामा एक व्यक्तिलाई नियन्त्रणमा लिइएको प्रहरीले जनाएको छ।
हालसम्म गोली प्रहारको कारण स्पष्ट हुन नसकेको र यसबारे अनुसन्धान अघि बढाइएको प्रहरीले जनाएको छ।
घटनापछि सीमा क्षेत्रमा सुरक्षा सतर्कता बढाइएको छ। प्रहरीले दोषीलाई छिट्टै पहिचान गरी कानुनी दायरामा ल्याउने जनाएको छ।
यो घटना नेपाल–भारत सीमा क्षेत्रमा सुरक्षा चुनौतीको पुनः संकेतका रूपमा लिइएको छ।
