वीरगंज । हैजाको जोखिम न्यूनीकरण तथा नियन्त्रणका लागि लायन्स क्लब अफ वीरगंज मेट्रो सिटीको आयोजनामा विशेष सचेतना कार्यक्रम सम्पन्न भएको छ। कार्यक्रममा लायन्स क्लब अफ वीरगंज सुप्रिम, ह्युम्यानिटी, गेटवे, संस्कृतिगोल्डको सहआयोजनासहित नाटा वीरगंज र स्काउट वीरगंजले सहयोग गरेका थिए।
कार्यक्रम इन्दु लखा आधारभूत विद्यालय, कञ्चनजंघा इंग्लिस स्कूल र श्री माईस्थान विद्या पीठ माध्यमिक विद्यालयमा सम्पन्न भएको हो । कार्यक्रममा प्रथम उप–जिल्ला गर्भनर लायन रामबिहारी पाण्डे, लायन अशोक बेरीवाल र लायन नरोत्तम पाण्डेको विशेष उपस्थिति रहेको थियो।
कार्यक्रम सफल बनाउन लायन्स क्लब अफ वीरगंज मेट्रो सिटीका अध्यक्ष तथा समन्वयकर्ता लायन उमेशकुमार शाह, सबै क्लब अध्यक्षहरू र सदस्यहरूको सक्रियता उल्लेखनीय रह्यो । साथै विद्यालयका प्राचार्य मार्टिन मोक्तान तथा प्रशासनको सहयोगप्रति विशेष आभार व्यक्त गरिएको छ।
लायन्स क्लब अफ वीरगंज सुप्रिमका अनुसार हैजा नियन्त्रण र सचेतनामार्फत सुरक्षित र स्वस्थ समुदाय निर्माण गर्न निरन्तर प्रतिबद्धता जनाइएकाे छ।
