वीरगंज । गृह मन्त्रालयले दुई जिल्लामा नयाँ प्रमुख जिल्ला अधिकारी (सिडिओ) खटाएको छ। चितवनमा गणेश अर्याल र भोजपुरमा शिवलाल तिवारीलाई पठाइएको हो।
- Advertisement -
झन्डै दुई सातादेखि रिक्त रहेको चितवनको सिडिओ पदमा गणेश अर्याललाई खटाइएको छ। अर्याल यसअघि पर्साका सिडिओ थिए। पर्साबाट उनको सरुवा गृह मन्त्रालयमा भएको थियो। सहसचिव अर्याललाई पुनः चितवन पठाइएको हो।
अर्यालको ठाउँमा पर्साको सिडिओका रूपमा तोय नारायण सुवेदी आएका छन्। सुवेदी यसअघि पाल्पाका सिडिओ थिए। त्यस्तै, चितवनमा कार्यरत सिडिओ प्रकाश अर्याललाई बारामा सरुवा गरिएको छ।
उता, भोजपुरमा यसअघि बाबुराम गौतमको सरुवा भएको थियो तर उनी नगएपछि तिवारीलाई खटाइएको हो।
