जनकपुरधाम । प्रधानमन्त्री केपी शर्मा ओलीले नेपाल प्रहरीलाई शासकको हैसियतले होइन, जनताको सेवकको रूपमा काम गर्न निर्देशन दिनुभएको छ । शुक्रबार जनकपुरधामस्थित मधेस प्रदेश प्रहरी कार्यालयको नवर्निमित भवन उद्घाटनपछि आयोजित समारोहलाई सम्बोधन गर्दै उहाँले यस्तो निर्देशन दिनुभएको हो।
- Advertisement -
प्रधानमन्त्री ओलीले मुलुकमा सुशासन र शान्ति–सुरक्षा कायम गर्नका लागि प्रहरीको भूमिका न्यायोचित र पारदर्शी हुनुपर्नेमा जोड दिनुभयो। “प्रहरीले कसैलाई फसाउने, यातना दिने वा अनावश्यक दबाब सिर्जना गर्ने काम गर्नु हुँदैन,” उहाँले भन्नुभयो, “बरु जनताको हितका लागि इमानदारीपूर्वक सेवा गर्नुपर्छ।”
समारोहमा प्रधानमन्त्री ओलीसँगै प्रदेश तथा स्थानीय तहका जनप्रतिनिधि, सुरक्षा निकायका उच्च अधिकारीहरू, सरोकारवाला निकायका प्रतिनिधि तथा स्थानीय नागरिकहरूको समेत उपस्थिति रहेको थियो।
