Date
आइत, चैत्र १५, २०८२
Sun, March 29, 2026

परवानीपुर गाँउपालिकाको सेमिनार हलको निर्माण कार्य सम्पन्न

वीरगंज । बाराको परवानीपुर गाँउपालिका वडा नम्बर ४ चैनपुर स्थित केडिया आँखा अस्पतालको छेउमा पालिकाको सेमिनार हलको निर्माण कार्य सम्पन्न भएको छ । गाँउपालिकाले गत आर्थिक बर्षमा नै एक करोड २० लाखको बजेट विनियोजन गरेर सेमिनार हलको निर्माण गरेको हो ।

- Advertisement -

सेमिनार हलको गत बर्षदेखि निर्माण कार्य सुरु गराएर चालु आर्थिक बर्ष २०८१/०८२ को केहि महिना अगाडी नै कार्य सम्पन्न भएको परवानीपुर गाँउपालिकाका प्रमुख प्रशासकिय अधिकृत मुन्ना साह रौनीयारले जानकारी दिए ।
उनका अनुसार सेमिनार हल निर्माणका लागी एक करोड १० लाख बजेट विनियोजन भएपनि ९३ लाख मै सम्पन्न भएको अवस्था छ ।

पालिकाको कुनैपनि कार्यक्रम , प्रशिक्षण , गोष्ठी , तालिम लगायतका कार्यक्रम गर्दा सभाहल भाडामा लिनुपर्ने अवस्थाको अब अन्त्य भएको उनले बताए ।

अब विश्वविद्यालय, कलेज, वा अन्य शैक्षिक संस्थाहरूले तालिम, वक्तृत्वकला, प्रोजेक्ट प्रस्तुति, तथा अन्य शैक्षिक गतिविधिहरूको लागि भाडामा लिएर सेमिनार हल प्रयोग गर्न सक्नेछन् ।
सेमिनार हलमा के के गर्न सकिन्छ ?

अब पालिका कै सेमिनार हलमा कुनै विशेष विषयमा विशेषज्ञहरूले प्रस्तुति दिने र सहभागीहरू बीच छलफल हुने कार्यक्रम हुनेछ । पालिका भित्रका विद्यार्थी, शिक्षक, वा व्यवसायिक व्यक्तिहरूले आफ्नो अनुसन्धान, परियोजना वा विचार प्रस्तुत गर्ने कार्यक्रम गर्न सक्ने छन ।

यस्तै पालिका भित्रका कुनैपनि कार्यशाला कुनै सीप वा ज्ञान सिकाउने उद्देश्यले सञ्चालन गरिने अभ्यासात्मक कार्यक्रम गर्न सकिने उनले बताए ।

पालिकाको सेमिनार हलमा भेला ,संस्थागत कार्यक्रम, विद्यालय, वा विश्वविद्यालयको बैठक, छलफल वा सम्मेलनका कार्यक्रमहरू पनि गर्न सकिने गरी निर्माण भएको उनको भनाई छ ।

प्रशिक्षण कार्यक्रम अन्तर्गत कर्मचारी, शिक्षक, वा विद्यार्थीलाई नयाँ सीप सिकाउने तालिम कार्यक्रमहरू गर्न सकिने छन ।
सांस्कृतिक वा शैक्षिक कार्यक्रममा कहिलेकाहीँ सेमिनार हलमा कविता वाचन, वाद–विवाद, वा शैक्षिक प्रतियोगिता जस्ता कार्यक्रम पनि गरिन्छ ।

सेमिनार हलले पालिकाबासीलाई फाईदा हुने

परवानीपुर गाँउपालिकाका अध्यक्ष रामक्षत्री प्रसाद कुर्मीले अब पालिकाको सेमिनार हल औपचारिक बैठक, गोष्ठी, कार्यशाला ,सम्मेलन वा प्रस्तुति गर्नको लागि उपयुक्त स्थान हुने बताएका छन ।

उनका अनुसार अब विश्वविद्यालय, कलेज, वा अन्य शैक्षिक संस्थाहरूले तालिम, वक्तृत्वकला, प्रोजेक्ट प्रस्तुति, तथा अन्य शैक्षिक गतिविधिहरूको लागि भाडामा लिएर सेमिनार हल प्रयोग गर्न सक्नेछन् ।

यस्तै विद्यार्थी, शिक्षक, वा कर्मचारीहरूले पावरपोइन्ट वा अन्य माध्यमबाट जानकारी प्रस्तुत गर्नको लागि एउटा व्यवस्थित ठाउँ आवश्यक हुन्छ त्यो यहाँ बनाईएको अवस्था छ ।

अब कुनै विशेष अतिथि वक्तालाई बोलाएर कार्यक्रम सञ्चालन गर्न चाहिँदा सेमिनार हल उपयुक्त स्थान हो जहाँ ध्वनि प्रणाली, प्रोजेक्टर आदि जडान हुने बताए ।

उनका अनुसार अब केही साना–साना सांस्कृतिक कार्यक्रम, पुरस्कार वितरण, वा सामाजिक जमघटको लागि पनि प्रयोग गर्न सकिन्छ ।

सेमिनार हलले एक औपचारिक र व्यवस्थित वातावरण प्रदान गर्छ जसले सहभागिहरूलाई ध्यान केन्द्रित गर्न सहयोग पुर्‍याउँछ भने आशा लिईएको छ ।

ताजा अपडेट

कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

ओली र लेखकको पक्राउविरुद्ध सर्वोच्चमा बन्दीप्रत्यक्षीकरण रिट, साेमबार सुनुवाइ

काठमाडौँ । केपी शर्मा ओली र पूर्वगृहमन्त्री रमेश लेखकको पक्राउविरुद्ध सर्वोच्च अदालतमा बन्दीप्रत्यक्षीकरणको रिट दायर भएको छ। अध्यक्ष ओलीकी पत्नी राधिका शाक्यले ओलीलाई गैरकानुनी रूपमा...

पीडित हरिकलाका अभिभावकलाई ५० हजार सहयोग

वीरगंज । श्रीमतीमाथि क्रूर आक्रमण गरी खुट्टा काटिएको घटनाकी पीडित हरिकला देवी सहनीका अभिभावकलाई आर्थिक सहयोग प्रदान गरिएको छ। पर्साको पर्सागढी नगरपालिका–३, विरुवा टोल निवासी...

श्रीमतीमाथि क्रूर आक्रमण गरी खुट्टा काट्ने श्रीमान पक्राउ

वीरगंज । जिल्ला प्रहरी कार्यालय पर्साले आफ्नै श्रीमतीमाथि क्रूर आक्रमण गरी खुट्टा काट्ने श्रीमानलाई पक्राउ गरेको जनाएको छ। प्रहरीका अनुसार मिति २०८२ चैत १ गते...