वीरगंज । पर्साकाे कालिकामाई गाउँपालिकाकाे एम्बुलेन्स दुर्घटना भएकाे छ । वीरगंजकाे नारायणी अस्पतालमा बिरामी पुर्याएर फर्कने क्रममा प्रदेश २–०३–००१ झ ०००३ नम्बरको एम्बुलेन्स शनिबार राति दुर्घटनामा परेको हाे ।
एम्बुलेन्स दुर्घटना हुँदा एम्बुलेन्स चालक कालिकामाई गाउँपालिका वडा नं. २ भेडिहारीका ३५ बर्षिय पृथ्वी चौरसिया घाइते भएका छन् । घाइते चालक चाैरसिया उपचार वीरगंजस्थित निलकण्ठ हस्पिटलमा भइरहेकाे छ ।
चालक चाैरसियाका अनुसार गाडीको ब्रेक फेल भएर दुर्घटना भएकाे हाे । ब्रेक फेल भएपछि सडक छेउमा रहेकाे रुखमा गाडी ठोक्किँदा दुर्घटना भएको उनकाे भनाई छ ।
घाइते चालककाे हातकाे औंला भाच्नुेकाे छ भने अन्य भागमा पनि चोटपटक लागेको छ। घटनास्थलमा तत्काल उद्धार कार्य गरी उनलाई उपचारका लागि अस्पताल पठाइएकाे थियाे । दुर्घटनामा परेकाे एम्बुलेन्समा पनि क्षति पुगेकाे छ ।
