वीरगंज । दोस्रो वीरगन्ज गोल्डकप फुटबल प्रतियोगीताको दोस्रो दिनको खेलमा सहलेश फुटबल क्लब सिरहाले ट्राईबेकरमा आफ्नो पहिलो जित निकालेको छ । शनिबार देखि आर्दशनगर रंगशालामा जारी खेलमा सहलेश फुटबल क्लब सिरहाले ५–४ गोलअन्तरले संकटा फुटबल क्लब काठमांडौलाई पराजित गरेर ट्राईबेकरमा जित निकालेको हो ।
खेलको ९० मिनेटको निर्धारित समय सक्दा पनि बिना गोल दुबै टिम बराबरी खेलेपछि खेल ट्राईबेकरमा धकेलिएको थियो ।
ट्राईबेकरमा संकटाका कप्तान सुदिप गुरुङ्ग ,राजिव लोपचन ,ईसेरिङ्ग लामा र सोम कर्लोसले गोल चुमाउँदा राम थापा बाहिर हानेका थिए ।
यस्तै ट्राईबेकरमा सहलेश फुटबल क्लबका खेलाडी एमबाउन अनिसेट, सुमित श्रेष्ठ, अमन लामा, शिसिस लेखी र जय गुरुङ्गले बललाई पोष्टमा हानेर गोल गरेका थिए । ट्राईब्रेकरमा उत्कृष्ट बचाउ गरेर टिमलाई जित दिलाएका सहलेश फुटबल क्लबका गोलकिपर बिशाल सुनार घोषित भए । उनले नगद १० हजार सहित शिल्ड पनि पाएका थिए ।
सोमबारको खेलमा नेपाल पुलिस क्लब र बाग्मति फुटबल क्लब सर्लाही भिड्ने आयोजकले जनाएको छ । प्रतियोगितामा राष्ट्रिय स्तरका आठ फुटबल टिमको सहभागिता जनाउने छन ।
अब प्रतियोगितामा मच्छिन्द्र फुटबल क्लब, बागमती यूथ क्लब सर्लाही, नेपाल पुलिस क्लब, एपिआई चर्च ब्वाइज युनाइटेड काठमाडौं, सलहेश फुटबल क्लब सिराहा र आयोजक वीरगन्ज युनाइटेड क्लबले प्रतिस्पर्धा गर्नेछन् ।
मधेस प्रदेश कै सर्वाधिक धनराशि भएको दोस्रो वीरगन्ज गोल्डकप प्रतियोगितामा विजेता टोलीलाई नगद ११ लाख ११ हजार एक सय एघार रुपैयाँ, ट्रफी, मेडल र प्रमाणपत्र र उपविजेता हुने टोलीलाई पाँच लाख ५५ हजार पाँच सय ५५ रुपैयाँ नगद, ट्रफी,मेडल र प्रमाणपत्रले पुरस्कृत गरिनेछ ।
प्रतियोगिताको मुख्य प्रायोजकको रूपमा वीरगंज महानगरपालिका रहेको छ । प्रतियोगिता सम्पन्न गर्नका लागि करिब एक करोड खर्च लाग्ने आयोजकले जनाएको छ ।
प्रतियोगितामा आउने दर्शकलाई लक्षित गरेर अस्थायी प्याराफिट निर्माण गरीएको छ । अस्थायी प्याराफिटमा करिब दुई हजारभन्दा धेरै दर्शन घट्ने क्षमता रहेको छ भने ग्राउन्डमा अन्य तीन हजारभन्दा धेरै दर्शक अट्ने क्षमता रहेको छ ।
