वीरगंज । पर्साकाे जगरनाथपुर गाउँपालिका भएर प्रहरीकाे मिलाेमताेमा पाडाकाे तस्करी भइरहेकाे समाचार प्राप्त भएकाे छ । जगरनाथपुर गाउँपालिकाकाे वडा नं. ३ स्थित बर्गाेमाई मन्दिर नजिक रहेकाे पाडा बजार भएर प्रहरीकाे मिलाेमताेमा तस्करी भइरहेकाे स्थानियहरुले वताएका छन् ।
प्रहरी चाैकी पाण्डेपुरका प्रहरी सहायक निरिक्षक (असई) प्रमाेद प्रसाद साह र जानकीटाेला प्रहरी चाैकीका असई भरत सिलवालकाे मिलाेमताेमा नेपाल भारत सिमामा रहेकाे इनरवा हुँदै वडा नं. २ को दसौंता, जानकीटोला र लक्ष्मीपुर भएर पाडाकाे तस्करी भइरहेकाे स्थानिय वताउँछन् । साथै जगरनाथपुरको पाण्डेपुर, गढैया र बिजबनियाको बाटो हुँदै समेत पाडाको तस्करी अत्याधिक मात्रामा भइरहेको बताइन्छ ।
स्थानियका अनुसार जगरनाथपुर गाउँपालिकामा रहेकाे पाडा बजारमा प्रत्येक आइतबार र बिहीबार लाग्ने गर्छ । भारतकाे विभिन्न ठाउँबाट तस्करीकाे माध्यमले जगरनाथपुर स्थित पाडा बजारमा ल्याइएकाे पाडाहरुकाे बिल काटेर संगठित रुपमा तस्करी हुने गरेकाे छ ।
पाडा बजारका संचालक मन्सफ मियाँ र जफिर मियाँकाे समेत सलंग्नतामा संगाठनिक रुपमा पाडा तस्करी भइरहेता पनि सम्बन्धित निकाय माैन रहेकाे छ । साे कार्य गराए वापत पाण्डेपुर प्रहरी चौकीका असई साह मासिक रुपमा महिनवारी बुझ्ने गरेकाे समाचार स्राेतले जनाएकाे छ ।
रातीकाे समयमा हुने पाडा तस्करीकका कारण धान खेतीमा समेत क्षति पुग्ने गरेका स्थानिय कृषकहरु वताउँछन् । अहिले धान खेतीको समय रहेकाेले पाडा तस्करहरुको कारणले गर्दा स्थानीय कृषकहरूको धान बाली समेत दिन्हु नष्ट भइरहेको स्थानीय कृषकहरुको गुनासो रहेको छ ।
रात्रीको समयमा पाण्डेपुर प्रहरी चौकी र जानकीटोला प्रहरी चौकीको मिलोमतोमा पाडाको तस्करी भइरहेको हुनाले तस्करहरुलाई समात्न हामीहरूलाई गाह्राे भएको गुनासो कृषकहरूले गुनासो समेत गरेका छन् ।
