वीरगंज । राष्ट्रिय दलित नेटवर्क (आरडिएन) द्वारा छुवाछूत बिनाको अर्को नेपाल संभव छ आउनुहोस निर्माण गरौ भन्ने मुल नाराका साथ २०८० फागुन ०५ गते दलित संसदको सन्दर्भमा काठमाण्डौमा आयोजित संगठनको पाँचौं राष्टिय सम्मेलन तथा १६ औं साधारण सभााबाट निर्वाचित कार्यसमितिको सपथग्रहण तथा पदस्थापना कार्यक्रम शनिबार धनगढीमा सम्पन्न भएको छ ।
उक्त सम्मेलनले संगठनका संस्थापक अध्यक्ष गणेशबहादुर बिश्वकर्मालाई संरक्षकको जिम्मेवारी प्रदान गरेको थियो भने मोहन ओडको अध्यक्षतामा ९ सदस्यीय केन्द्रीय कार्यसमिति गठन गरेको थियो । समितिको उपाध्यक्ष, महासचिव, कोषाध्यक्ष र सचिवमा क्रमसः श्याम सुनार, पार्वती आग्री, जंग बहादुर सुनार र गिता नेपालीलाई चयन गरेको थियो । समितिको सदस्यहरुमा प्रेम बिके, कलावती भाँड, प्रेमकला सोव र दिक्षा सार्की रहनु भएको छ ।
संगठनको नवनिर्वाचित पदाधिकारी र सदस्यहरुलाई बधाई तथा गोपनियताको सपथ ग्रहण गराउदै संगठनका संस्थापक अध्यक्ष एवं संरक्षक गणेशबहादुर बिश्वकर्माले राष्ट्रिय दलित नेटवर्क एक गैरसरकारी संस्थाको नाम मात्र नभई यो आन्दोलनको रुपमा स्थापित भई सकेको बताए । साथै उनले अहिले मूलुकले संघीयता र समावेशी बिकासको अभ्यास गरिसकेको सन्दर्भमा दलितहरुको राजनितिक, आर्थिक, सामाजिक र सांस्कृतिक अधिकार स्थापना गर्नका लागि संगठनले निरन्तर पैरवी र पहरेदारीको रुपमा काम गर्नुपर्ने कुरा औल्याए । उनले दिगो बिकास लक्ष्यको कसैलाई पछाडी नपारौ भन्ने मुल मर्म र भावना अनुरुप संगठनको अभियान त्यसतर्फ केन्द्रीत हुनुपर्ने जाेड दिए ।
राष्ट्रिय दलित नेटवर्कका नवनिर्वाचित केन्द्रीय अध्यक्ष मोहन ओडले संगठनले दिशा निर्देश गरेका मुख्य लक्ष्य, उद्देश्यहरु र रणनितीक योजनाहरु परिपुर्ति गर्नका लागि आफुहरु एकता र प्रतिबद्ध भएर अगाडी बढने वताए । कार्यक्रमको सञ्चालन संस्थाका कार्यकारी निर्देशक हुकुम बहादुर सार्कीले गरेका थिए ।
