वीरगंज । शिक्षा विकास तथा समन्वय इकाई पर्साका निमित्त इकाई प्रमुख उमेश कुमार मुखियाकाे लापरवाही कायम रहेकाे गुनासाे प्राप्त भएकाे छ । इकाई प्रमुख मुखियाकाे लापरवाहीले शिक्षक सेवा आयाेगले सिफारिस गरेका निमावि तहका सफल शिक्षक पदका उम्मेदवारहरु समयमा न्युक्ति नपाएकाे गुनासाे गरेका छन् ।
बारासहितका मधेश प्रदेशका अन्य जिल्लाहरुले समय मै न्युक्ति दिएर पठाए पनि इकाई कार्यालय पर्साले हाल सम्म न्युक्ति नदिएका कारण आफुहरु मार्कामा परेकाे सिफारिस शिक्षकहरुले वताएका छन् । आफुहरु भन्दा पहिला अन्य जिल्लाले न्युक्ति दिएर पठाएका कारण आफुहरु पछाडी परेकाे उनीहरुकाे भनाई छ ।
शिक्षक सेवा आयाेगले माघ २९ गते नै आफुहरुलाई सिफारिस गरेर सम्बन्धित जिल्लामा पठाएपनि हाल सम्म शिक्षा विकास तथा समन्वय इकाई पर्साबाट न्युक्ति नपाएकाे सिफारिस भएका निमाविका विज्ञान विषयका शिक्षक आनन्द कुमार मालीले वताए ।
उनले भने “नियम अनुसार न्युक्ति दिईदिनु पर्ने आज अन्तिम दिन हाे तर हाल सम्म न्युक्ति पाउन सकेका छैन । न्युक्ति वितरणकाे सूचना पनि पाएका छैनाैं । अन्य जिल्लाले न्युक्ति दिएर पठाइसेकाे छ । न्युक्ति पाएकाहरु सम्बन्धित विद्यालयमा हाजिर पनि भइसकेका छन् । जसका कारण हामी पछाडी पर्याैं ।”
उनीहरु भन्दा अब हाम्राे बढुवा पछि हुने भयाे र किनभने जेष्ठतामा पनि पछि पर्ने भएकाेले मर्कामा परेकाे उनले वताए । इकाई कार्यालयले विद्यालय छनाैट पक्रियाकाे फारमहरु भर्न लगाएपनि त्यसपछि कुनै सुचना नगरेकाे उनले वताए । न्युक्ति बारे बुझ्न इकाई प्रमुख सरसंग फाेनमा सम्पर्क गर्न खाेज्दा उहाँकाे फाेन नै नउठने गरेकाे उनले गुनासाे समेत गरे ।
यसका साथै इकाई प्रमुख मुखियाकाे लापरवाहीले शिक्षक सरुवा र शिक्षक आवकाश लगायतका कामहरु समेत प्रभावित भएकाे सेवाग्राहीहरुले वताएका छन् । यस विषयमा विभिन्न संचारमाध्यमा समाचारहरु प्रकाशन भएपनि उनकाे बानी ब्यवहारमा कुनै परिवर्तन नआएकाे सेवाग्राहीकाे भनाई छ ।
यस विषयमा बुझ्न इकाई प्रमुख मुखियासंग फाेनमा सम्पर्क गर्दा उनले फाेन उठाएपनि प्रश्नकाे जवाफ नै नदिई गैरजिम्मेवार पूर्ण तरिकाले फाेन काटिदिए । त्यसपछि पुन: फाेन गर्दा उनले फाेन उठाएनन् ।
