वीरगंज । जनता समाजवादी पार्टी (जसपा) नेपालका प्रमुख सचेतक प्रदीप यादवले नेपालमा टिकटक बन्द गर्ने सरकारकाे निर्णयकाे स्वागत गरेका छन् ।
सोमबार बसेको मन्त्रिपरिषदको बैठकले टिकटक बन्द गर्ने निर्णय लिएको छ । त्यसको समर्थनमा सामाजिक सञ्जाल फेसबुकमा लेख्दै पुर्व वनमन्त्री एंव पर्सा क्षेत्र नम्बर १ का प्रतिनिधि सभा सदस्य समेत रहेका यादवले टिकटक बन्द गर्ने सरकारकाे निर्णयकाे स्वागत गरेका हुन् ।
उनले टिकटक बन्द गर्ने निर्णय गरेकाेमा सरकारलाई धन्यवाद पनि दिएका छन्।
सामाजिक सञ्जाल फेसबुकमा यादवले लेखेका छन्,‘धन्यवाद नेपाल सरकार । नेपाल सरकारले सामाजिक सञ्जाल टिकटक बन्द गर्ने निर्णय गरेको छ । सो निर्णय स्वागत योग्य छ । नेपाल सरकारलाई धन्यवाद दिन चाहन्छू।’
