बीरगंज । वीरगंज महानगरपालिकाका नवनिर्वाचित मेयर राजेशमान सिंहलाई भारतको सत्तारुढ दल भारतीय जनता पार्टील (भाजपा) का बिहार प्रदेश अध्यक्ष डाक्टर सन्जय जयसवालले भेटघाट गरेका छन् ।
बिहारको बेतिया क्षेत्रका सांसद समेत रहेका जयसवालले बुधबार महानगरपालिकाको कार्यालय वीरगंज मै पुगेर मेयर सिंहलाई बधाई तथा सफल कार्यकालको शुभकामना दिएका हुन् ।
सांसद जयसवालले मेयर सिंहलाई बधाई दिनै राेटी बेटीकाे सम्बन्धलाई अझ मजबुद बनाउने गरी काम गर्न आग्रह गरे । साथै उनले आफ्नाे तर्फबाट गर्नु पर्ने सहयाेग गर्न आफू सँधै तयार रहेकाे बताए ।
मेयर सिंहले पनि भाजपाका सांसद जयसवाललाई रुद्राक्षको माला लगाएर स्वागत गर्दै धन्यवाद दिए । त्यस अवसरमा वरिष्ठ पत्रकार चन्द्रकिशोर झा, वीरगंजका उद्योगपति अशोक बैद्य लगायतको समेत उपस्थिती रहेको थियो ।
